عدد الإصحاحات: 34
ظروف الكتابة:
- آخر أسفار التوراة، كتبه موسى النبي حوالي سنة 1500 ق.م. في آخر حياته على الأرض (سفر وداعي)
- في آخر السفر جه يموت موسى النبي، ويختم تلميذه يشوع السفر بحكاية موت موسى
- كنا وصلنا في سفر العدد إن الشعب دلوقتي على ضفة نهر الأردن من الشرق (بعد ما غلبوا سيحون ملك الأموريين وعوج ملك باشان)، و فاضل لهم يعبروا الأردن عشان يصلوا أرض الموعد
هدف السفر:
- (التثنية) يعني نقول تاني: بعد ما الأسفار ال4 اللي قبل كده حكت لنا تاريخ من آدم لحد وصول الشعب إلى عبر الأردن و اقترابهم من أرض الموعد مروراً باستلام الشريعة … ييجي سفر التثنية يراجع فيه موسى النبي خصوصاً على الوصايا و الفرائض عشان يوصي بها الشعب قبل ما يسيبهم
- طبعاً ده حصل لأن الجيل اللي حضر الخروج واستلام الشريعة كله مات في البرية (زي ما قرأنا في سفر العدد) … بالتالي موسى بيقول تاني للجيل الجديد اللي داخل أرض الموعد
- فيه الوصية العظمى (تحب الرب إلهك من كل قلبك و من كل نفسك و من كل قوتك)
مفاتيح فهم السفر:
- الكلمات الرئيسية: (احترس لئلا تنسى) أو (اذكر) لأن الرسالة الرئيسية هي طاعة كلام ربنا
- ربنا يسوع في التجربة على الجبل (متى 4) جاوب الشيطان 3 مرات بآيات من سفر التثنية