• إصحاح 6 أريحا:
    • أول مدينة في سكّتهم كانت أريحا المدينة العظيمة ذات الأسوار الحصينة
    • ربنا تمجّد بشعبه و قدروا يغلبوا .. و بدون حرب كمان (يعني هم فقط يصدّقوا و ينتظروا ربنا .. ده دورهم)
    • بعد ما لفّوا بالنابوت حوالين المدينة 6 أيام بالأبواق (لعلّ حد من أريحا يتوب زي راحاب)
    • إشارة برضه إن التسبيح يهدّ أسوار الشر مهما كانت منيعة
    نقدر نشوف أكتر في الكارتون ده
  • إصحاح 7 و 8 عاي:
    • عكس أريحا تماماً، عاي مدينة صغيرة و ضعيفة .. يشوع أرسل جواسيس قالوا كفاية ألفين أو 3 على المدينة دي
    • لكن اللي حصل إن عاي غلبت إسرائيل هزيمة مدوّية .. عملت هزّة كبيرة جداً في إيمان و إحساس شعب إسرائيل و ثقتهم إن ربنا معاهم .. إنهار يشوع و بكى و صرخ قدام ربنا
    • ربنا وضّح ليشوع إنه مش هايبقى معاهم إن لم ينزعوا الحرام من وسطهم .. طلع واحد اسمه عخان واخد ذهب و فضة من أريحا (مخالفة واضحة لأمر ربنا و يشوع إن الذهب و الفضة تخصَّص لربنا)
    • لمّا ثبتت التهمة عليه، رجمه بنو إسرائيل و أحرقوا كل ما له بالنار
    • بعد كده يشوع حارب عاي بكل جيشه كأمر الرب، و قدر يغلبهم بعد تكتيك حربي محكم
  • إصحاح 9 جبعون:
    • أهل المدينة دي كانوا أذكياء، مادخلوش حرب مع بني إسرائيل بل لجأوا للخدعة
    • تظاهروا إنهم جايين من أرض بعيدة و سمعوا عن عمل ربنا مع شعبه .. فطلبوا الأمان من يشوع
    • الرؤساء ماسألوش ربنا هنا، بل صدّقوهم و أعطوهم الأمان
    • لمّا عرف بعد كده إنهم من أهل كنعان، سألهم هم عملوا كده ليه؟ قالوا له إنهم متأكدين إن ربنا هاينصر إسرائيل، فأرادوا إنهم يعيشوا ولا يهلكوا
    • فعلاً لأن يشوع أعطاهم كلمة، اضطر يستحييهم و أصبحوا بيخدموا خيمة الاجتماع (و بعد كده أصبح اسمهم النثينيم)
  • إصحاح 10 و 11 باقي المدن:
    • اجتمع ملوك 5 مدن و اتّحدوا عشان يحاربوا جبعون عقاباً لهم على التحالف مع إسرائيل
    • يشوع صعد عشان يحارب ال5 ملوك و ربنا قال له إنه هايدفعهم ليده
    • ربنا تدخّل بمعجزتين غاية في الوضوح: حجارة من البَرَد من السماء قتلت الكتير من جيوش ال5 ملوك .. و الشمس وقفت في السماء من غير غروب لحد ما إسرائيل انتقموا من ال5 ملوك و جيوشهم .. و رجعوا من الحرب بدون خدش واحد
    • بعد كده يشوع هاجم المدن دي و غلبها و حرّم شعبها
    • نفس الكلام حصل بعد كده مع ملوك شمال كنعان .. تحالفوا ضد يشوع اللي انتصر عليهم بنعمة ربنا و أخد مدنهم
  • إصحاح 12 لائحة الشرف:
    • الإصحاح ده بيقول إن بني إسرائيل غلبوا 33 ملك بشعوبهم .. 2 شرق الأردن عن طريق موسى (سيحون و عوج) و 31 غرب الأردن عن طريق يشوع
    • يعني ربنا قاد مجموعة من رعاة الغنم المذلولين في أرض مصر لهذه الانتصارات العظيمة
    • و من الجميل إن الواحد يكتب و يفتكر عمل ربنا معاه و ماينساش فضل ربنا و يثق إن اللي وقف معاه في اللي فات، هايكمّل في اللي جي