ذيكو
أسوار أريحا
يشوع 5 و 6
يشوع 5 : 13 و 14 + يشوع 6 : 1 ل 5 و 25و حدث لمّا كان يشوع عند أريحا أنه رفع عينيه و نظر، و إذا برَجُل واقف قبالته، و سيفه مسلول بيده. فسار يشوع إليه و قال له: «هل لنا أنت أو لأعدائنا؟» فقال: «كلّا، بل أنا رئيس جند الرب. الآن أتيت». فسقط يشوع على وجهه إلى الأرض و سجد، و قال له: «بماذا يكلم سيدي عبده؟»
...
وكانت أريحا مغلقة مقفلة بسبب بني إسرائيل. لا أحد يخرج و لا أحد يدخل.
فقال الرب ليشوع: «انظر. قد دفعت بيدك أريحا و ملكها، جبابرة البأس. تدورون دائرة المدينة، جميع رجال الحرب. حول المدينة مرّة واحدة. هكذا تفعلون ستة أيام. و سبعة كهنة يحملون أبواق الهتاف السبعة أمام التابوت. و في اليوم السابع تدورون دائرة المدينة سبع مرات، و الكهنة يضربون بالأبواق. و يكون عند امتداد صوت قرن الهتاف، عند استماعكم صوت البوق، أن جميع الشعب يهتف هتافاً عظيماً، فيسقط سور المدينة في مكانه
...
و استحيا يشوع راحاب الزانية و بيت أبيها و كل ما لها، و سكنت في وسط إسرائيل إلى هذا اليوم، لأنها خبّأت المرسلَين اللذَين أرسلهما يشوع لكي يتجسّسا أريحا.
- من أبطال الإيمان في الكتاب المقدس: يشوع
- يشوع كان قائد إسرائيل بعد موسى النبي ... و ربنا إداله مهمة إنه يقود الشعب لأرض الموعد
- لمّا ربنا قال ليشوع يبدأ يتحرّك، بعَت جاسوسين لمدينة أريحا
- الجاسوسين لمّا راحوا أريحا، ساعدتهم راحاب
- و هم وعدوها إنهم مش هايئذوها ولا عيلتها لمّا يهجموا على المدينة
- و علّقت شريطة حمرا من الشباك عشان يفتكروا بيتها
- بعد كده شعب إسرائيل عدّى الأردن، و بقى جنب أريحا
- و في يوم، يشوع بَص و لقى السيد المسيح بنفسه قدامه
- و قال له: أنا رئيس جيش ربنا
- يشوع قلع جزمته و قال له: خير يا رب؟ ربنا قال له: ياللا ادخل مدينة أريحا
- و قال ليشوع على الخطة اللي يمشي عليها عشان يعرف يدخل المدينة
- أريحا كانت مقفولة خوفاً من هجوم إسرائيل ... ماحدش كان بيعرف يدخل و لا يخرج
- فربنا قال ليشوع يجمّع جنوده
- و يلفّوا حوالين المدينة 6 أيام
- و الكهنة يشيلوا تابوت العهد و 7 كهنة يمشوا قدّام و معاهم أبواق
- و في اليوم السابع يلفّوا 7 مرات حوالين المدينة و يضربوا الأبواق ... و بعدين كل الشعب يهتف بصوت عالي جدااااً
- بعد كده هايقع سور المدينة
- فيشوع قال: اهتفوا عشان ربنا هايدّيكم المدينة ... و الشعب كله هتف
- و الأسوار فعلاً وقعت
- و إسرائيل أخدوا مدينة أريحا ... زي ما ربنا قال
- و افتَكَروا راحاب عشان أمانتها ... و يشوع كان أمين في تنفيذ أوامر ربنا
- و إسرائيل أخدوا مدن تانية كتير زي ما ربنا وَعَدهم ... ربنا دايماً كلامه و وعوده هاتتحقق
- فعاش إسرائيل في الأرض اللي ربنا وعد بيها إبراهيم و إسحق و يعقوب و يوسف و موسى .. من سنين كتييير
الزمن
رحلة بني إسرائيل لأرض الموعد
المكان
أريحا
الشخصيات
- يشوع
- شعب إسرائيل
- رئيس جند الرب
- راحاب و أهلها
- شعب أريحا
تعالى نفتكر
نثق إن ربنا دايماً خططه بتنجح و وعوده بتتحقق مهما اللي بيطلبه مننا كان غريب بالنسبة لنا
المصدر:
الأسفار التاريخية
يشوع
في السفر ده ربنا بيحقّق لشعبه الوعد اللي وعد به أبانا إبراهيم و يأتي بشعبه لأرض الموعد .. لكن إحنا كشعب علينا دور إننا نحافظ من ناحيتنا على العهد: قبل تحقيقه .. و حتى بعد تحقيقه
كلّمنا
🤔
إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً