ذيكو
عن المدرسة
إيه هي مدرسة شمامسة مار أفرام السرياني؟ مين هم خدامها؟ إيه نظام الدراسة فيها؟ إيه رسالتها و قِيَمها؟
رسالة المدرسة
مدرستي هاتعلّمني حاجات جديدة ... لكن الهدف مش إنّي أعرف معلومات جديدة .. الهدف إنّي أعيش اللي كنيستي عايزة توصلّه لي ... بطقسها و صلواتها و ألحانها و لغتها
الكنيسة عايزة توصّل لي الحياة: شخص ربنا يسوع ... إنّي أعيش فيه و بيه و معاه
و عشان ده يحصل، بتقدّم لي وسائط نعمة ... أسرار و أصوام و صلوات و ألحان و طقوس ... و ده اللي هانتعلّمه في المدرسة
لكن الأهم من المعلومات و الامتحانات و التقديرات هو: أنا حياتي بتتغيّر؟
بقيت من فهمي لطقوس الكنيسة، عايش صلواتها و أصوامها و أعيادها، مش مجرّد باحضر أو باسمع بس؟
هل و أنا باقول أو باسمع كلام بالقبطي، فاهم الكلام ده كويس و مُدرك دقة الألفاظ؟
هل و أنا باقول لحن باصلّي بالروح و الذهن أيضاً؟ فاهم و عايش الكلام ده و عارف هو بيتقال هنا ليه؟
هو ده هدفنا اللي نِفسِنا بنعمة ربنا نوصّله لشعبنا و كنيستنا
و هو ده الهدف اللي دايماً بنقيس عليها نجاحنا .. و نجاحك
و هو ده شعارنا:
صلي ... سبح ... استمتع
مناهج المدرسة
مناهجنا بتركّز (بطريقة سهلة و بسيطة) على 3 حاجات لازم كل شماس يبقى عارفهم كويس
الألحان
- مناسبة لكل مرحلة عمرية
- من معظم مناسبات الكنيسة
الطقس
- حضانة: المبادئ و السلوكيات البسيطة و أسرار الكنيسة
- ابتدائي: طقس القداس (عشية و تسبحة و باكر و القداس نفسه)
- إعدادي: بعض الملاحظات في طقس أسبوع الآلام
- الكبار: بعض الموضوعات من كتاب (كنيستي الأرثوذكسية، ما أجملك)
القبطي
- حضانة: الحروف و رشم الصليب
- ابتدائي: الحروف (بتفاصيل أكتر) و (أبانا الذي) و بعض القواعد البسيطة
- إعدادي و الكبار: بعض القواعد المتقدمة
نظام المدرسة
- المدرسة بتخدم المخدومين من شعب كنيستنا من مرحلة الحضانة حتى ثانوي
- الدراسة على ترمين و ماشية مع السنة الدراسية العادية (ترم أول من سبتمبر لديسمبر و ترم تاني من فبراير لمايو)
- الدراسة في كنيستنا (كنيسة السيدة العذراء بشارع الأنصار، الدقي) ... توزيع الفصول حسب المرحلة العمرية
- الدراسة مرة واحدة أسبوعياً يوم الخميس من 5:30 ل 6:30 مساءً
- رسوم الاشتراك: 30 جنيه سنوياً
إحنا مين؟
إحنا مجموعة من الشباب و الشابات (من ثانوي لحد الخريجين) .. هدفنا تعليم أولادنا و بناتنا من الصغر (من مرحلة حضانة) و حتى سن الشباب إزاي يستمتعوا بصلوات الكنيسة .. بطقسها و لغتها القبطية و ألحانها
راعي خدمتنا
![صورة أبونا يشوع تيمور - راعي خدمتنا](images/5odam/AbonaYasho3.jpeg)
أمانة خدمتنا
فريق الألحان
فريق القبطي
فريق الطقس
فريق النظام
دايماً معانا
حتى لو فرّقنا المكان أو ظروف الخدمات المختلفة ... كل واحد فيكم ساهم بشكل كبير جداً في المدرسة 😍
أصدقاء المدرسة
حتى لو مش معانا كل خميس ... دوركم دايماً فارق 😄
كلّمنا
🤔
إيه رأيك في نظام مدرستنا و أهدافها؟ هل هي دي الطريقة الصح اللي تخلي المدرسة مطلوبة و مفيدة للكنيسة و ولادها؟ ...
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً