عبور الأردن

يشوع 3 و 4

كانت مهمة يشوع إنه يقود الشعب لأرض الموعد فكان لازم يعدّوا نهر الأردن ... طب يعدّوا إزاي و النهر مليان لآخره و هم مش معاهم مراكب؟

يشوع 3 و 4

فبكّر يشوع في الغد و ارتحلوا من شطيم و أتوا إلى الأردن، هو و كل بني إسرائيل، و باتوا هناك قبل أن عبروا. و كان بعد ثلاثة أيام أن العُرَفاء جازوا في وسط المحلة، و أمروا الشعب قائلين: عندما ترون تابوت عهد الرب إلهكم و الكهنة اللاويين حاملين إياه، فارتحلوا من أماكنكم و سيروا وراءه. ...

و يكون حينما تستقر بطون أقدام الكهنة حاملي تابوت الرب سيد الأرض كلها في مياه الأردن، أن مياه الأردن، المياه المنحدرة من فوق، تنفلق و تقف نداً واحداً ...

فوقف الكهنة حاملو تابوت عهد الرب على اليابسة في وسط الأردن راسخين، و جميع إسرائيل عابرون على اليابسة حتى انتهى جميع الشعب من عبور الأردن.

و كان لمّا انتهى جميع الشعب من عبور الأردن أن الرب كلم يشوع قائلاً: «انتخِبوا من الشعب اثني عشر رجلاً، رجلاً واحداً من كل سبط، و أمروهم قائلين: احملوا من هنا من وسط الأردن، من موقف أرجل الكهنة راسخة، اثني عشر حجراً، و عبّروها معكم و ضعوها في المبيت الذي تبيتون فيه الليلة».

...

و الاثنا عشر حجراً التي أخذوها من الأردن نصبها يشوع في الجلجال. و كلّم بني إسرائيل قائلاً: إذا سأل بنوكم غداً آباءهم قائلين: ما هذه الحجارة؟ تعلًمون بنيكم قائلين: على اليابسة عبر إسرائيل هذا الأردن.

  • من أبطال الإيمان في الكتاب المقدس: يشوع

  • يشوع كان قائد إسرائيل بعد موسى النبي ... و ربنا إداله مهمة إنه يقود الشعب لأرض الموعد

  • يشوع جهّز الشعب عشان يعدّوا نهر الأردن و يوصلوا أرض الموعد

  • خيّموا جنب النهر لمدة 3 أيام زي ما ربنا أمَرهم

  • في الوقت ده من السنة كانت المية في النهر كتيرة و عالية فكان مستحيل يعدّوا النهر مشي


  • ربنا قال ليشوع يقول للكهنة يشيلوا تابوت العهد ... و يقودوا الناس إلى النهر

  • يشوع قال للكهنة يدخلوا النهر برجليهم ... و ساعتها المية هاتقف و تبطّل تجري للنهر من فوق

  • و فعلاً أول ما الكهنة نزلوا، مية النهر وقفت ... و فِضِل الكهنة واقفين و شايلين التابوت في النهر

  • النهر اللي أصبح دلوقتي أرض ناشفة ... و الشعب عدّاه للناحية التانية


  • ربنا قال ليشوع يبعت واحد من كل سبط من الأسباط ال12 ... كل واحد ياخد حجر من المكان اللي الكهنة واقفين فيه

  • لمّا كل ده حصل زي ما ربنا أمَر، يشوع قال للكهنة يعدّوا هم كمان


  • لمّا رجلين الكهنة طلعت من النهر، رجعت المية لمكانها تجري فيه تاني زي ما كانت

  • جابوا الحجارة اللي من النهر و عملوا بيها نصب تذكاري عشان يفضلوا فاكرين و يقولوا لأولادهم على المعجزة العظيمة دي
الزمن

رحلة بني إسرائيل لأرض الموعد

المكان

نهر الأردن

الشخصيات
  • يشوع
  • الشعب
  • الكهنة و اللاويين
  • تابوت العهد
تعالى نفتكر

نثق في ربنا و كلامه و وعوده حتى لو مش عارفين هو عايز يعمل إيه و الحَل مش واضح قدّامنا ... ربنا دايماً عنده حلول غبر متوقَّعة

المصدر:

قناة Saddleback Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

أسوار أريحا
يشوع 5 و 6

قدامنا مدينة كبيرة مقفولة بأسوار حصينة، إزاي نقدر ندخلها؟ تعالوا نشوف الحل بتاع ربنا

راحاب
يشوع 2

أصبحت جدة للسيد المسيح رغم إنها مكانتش من شعبه ... بفضل إيمانها أصبحت من أبطال الإيمان

الأسفار التاريخية

يشوع

في السفر ده ربنا بيحقّق لشعبه الوعد اللي وعد به أبانا إبراهيم و يأتي بشعبه لأرض الموعد .. لكن إحنا كشعب علينا دور إننا نحافظ من ناحيتنا على العهد: قبل تحقيقه .. و حتى بعد تحقيقه

يشوع يقود الشعب لأرض الموعد
18229
التفاصيل

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً