عدد الإصحاحات: 21
ظروف السفر:
- في سفر يشوع ، يشوع أدخل شعب إسرائيل أرض الموعد و استقر الشعب فيها .. و أوصاهم بالحفاظ على العهد مع ربنا بالحفاظ على شريعته .. عشان يكونوا نور للعالم كله
- سفر القضاة بيبدأ بموت يشوع .. بعد كده بيورّينا الفشل التام لشعب إسرائيل في الحفاظ على العهد مع ربنا .. بسبب الاختلاط الزائد مع الكنعانيين
- سفر القضاة بيشمل حوالي 400 سنة من يشوع لحد صموئيل
نتعلّم إيه من السفر:
- يعلّمنا طول أناة الله مع شعبه و رحمته بهم وقت توبتهم، رغم قسوتهم و غلاظة قلوبهم
- يورّينا عدل الله كإله بيكره الشر و الخطية
- بيحذّرنا إن لمّا الدنيا تبقى سهلة و في سلام لازم ناخد بالنا من حروب الشيطان عشان مانقعش في خطايا صعبة
مفاتيح فهم السفر:
- كلمة (قاضي) في السفر ده معناها (قائد) بيقود الشعب، مش قاضي في محكمة
- السفر فيه أحداث صعبة و في منتهى القسوة و البشاعة تورّينا قد إيه شعب إسرائيل فسد تماماً و أصبح زي الكنعانيين (اللي بسبب فسادهم المستمر ربنا أفناهم من الأرض)