عدد الإصحاحات: 25
ظروف الكتابة:
- كنّا شفنا في سفر ملوك الأول الفترة من سليمان إلى آخاب ملك إسرائيل و إيليا النبي (بعد ما الممكلة انقسمت)
- سفر ملوك الثاني بيكمّل الفترة دي (فترة الملوك والأنبياء) بداية من أخزيا بن آخاب الملك و أليشع النبي (في إسرائيل) و يهوشافاط الملك (في يهوذا) لحد سبي يهوذا على يد بابل (و قبلها سبي إسرائيل على يد أشور)
هدف السفر:
- يعلمنا رحمة ربنا: اللي أعطى شعبه وقت و فُرَص كتير جداً و كلّمهم بكل الطريق عشان يتوبوا و كان يقبل أي بادرة توبة و يرحم و يؤخر العقاب
- يعلمنا عدل ربنا: في الآخر لمّا الفساد بلغ حد لا رجعة فيه ربنا عادل و سمح إن ييجي تأديب شديد على شعبه … برضه بهدف التوبة (لأنهم لمّا تابوا رجعوا من السبي زي ما تنبأ إشعياء وإرميا)
- شخصيات الملوك و سيرتهم و تعامل ربنا معهم درس لنا: إزاي كل ملك بدأ و انتهى و إزاي ربنا شاف أعماله و تعامل معه
مفاتيح فهم السفر:
- سفري الملوك (ملوك أول و ثاني) في الأصل سفر واحد بيحكي قصة إسرائيل من مُلك سليمان (حوالي 1000 ق.م.) لحد السبي (حوالي 500 ق.م.)
- كاتب السفر هو إرميا النبي بناءً على تسجيلات من الأنبياء اللي قبله (بداية من ناثان النبي و جاد النبي) بالروح القدس لحد ما هو حضر سبي يهوذا
- المقابل لسفر الملوك (ملوك أول و ثاني) هو سفر أخبار الأيام الثاني الذي يركز أكثر على قلب الملك و على رأي الله فيه
- سفري الملوك يركزوا على الشعب و تاريخ إسرائيل عموماً بعد سفري صموئيل اللي كانوا يركزوا على شخصيات معينة (صموئيل وشاول وداود)
- مملكة إسرائيل كل ملوكها أشرار لأنهم من أول ملك (يربعام) بعدوا عن ربنا و بدأوا يعبدوا الأوثان … بينما يهوذا كان لسة عندهم الهيكل و فيه ملوك من نسل داود كويسين (زي يهوشافاط و حزقيا و يوشيا)