السفر موجّه لمين؟
لأهل تسالونيكي (في اليونان) اللي بشّرهم القديس بولس في
رحلته التبشيرية التانية
(أعمال الرسل 17)
ظروف الكتابة:
الرسالة دي من أول الرسائل اللي كتبها القديس بولس ... كتبها سنة 51 من كورنثوس أثناء رحلته التبشيرية التانية
هدف السفر:
إن القديس بولس يتواصل تاني مع كنيسة تسالونبكي بعد ما قال له تلميذه تيموثاوس إنهم ثابتين في الإيمان رغم الاضطهادات
الهدف الرئيسي هو تصحيح فكرة المجيء التاني (إن مش شرط ربنا يسوع ييجي تاني بسرعة لكنه أكيد جي و إحنا عايشين على رجاء القيامة)
مفاتيح فهم السفر:
كنيسة تسالونيكي كانت كنيسة تتعرّض لاضطهادات و مقاومات كبيرة من اليهود اللي هناك (اللي طردوا بولس و سيلا من المدينة و طاردوهم كمان إلى مدينة بيرية القريبة من تسالونيكي)
كمان الموضوع دخل في السياسة و بقى فيه تهمة لكنيسة تسالونيكي إنها بتقاوم قيصر لأنها بتقول إن يسوع هو الملك