التذكار الشهري للعدرا مريم - مدرسة الشمامسة - كنيسة السيدة العذراء بالدقي

العدرا مريم

أمنا كلنا و أعظم قديسة في الكنيسة ... بنذكر العدرا يوم 21 من كل شهر قبطي
طبعاً أمنا العدرا ليها أعياد كتير جداً (البشارة بميلادها، ميلادها، تقديمها للهيكل، صعود جسدها، أول كنيسة ليها، تجلّيها في الزيتون)
لكن أعظم عيد للعدرا (زي أي قديس) هو عيد نياحتها ... يوم 21 طوبة ... عشان كده الكنيسة رتبت إن يوم 21 من كل شهر قبطي يكون تذكار للعدرا مريم

عن عيد ميلاد العدرا

عيد ميلاد العدرا يوم 1 بشنس الموافق 9 مايو ... و تقريباً العدرا هي القديسة الوحيدة اللي بنحتفل بعيد ميلادها
العدرا اتولدت في مدينة الناصرة ... كان أبواها الشيخين (يواقيم و حنة) ماعندهمش ولاد و كانوا بيصلّوا عشان ربنا يرزقهم ... و في الوقت المناسب، ربنا بعت الملاك و بشّر يواقيم بميلاد العدرا ... و يواقيم صدّق و قال لحنّة ... و حنّة كانت جميلة زي حنّة أم صموئيل ... نذرت نذراً أن الذي تلده يكون خادما لله في بيته كل أيام حياته ... و زي ما احنا عارفين، ده اللي حصل مع العدرا اللي عاشت في الهيكل تخدم و هي صغيرة