• عدد الإصحاحات: 6


• ظروف الكتابة:
  • أفسس كانت من المدن المهمة جداً في المنطقة دي (آسيا الصغرى) ... و كانت مدينة وثنية
  • القديس بولس زار أفسس مرتين:
    1. في الرحلة التبشيرية التانية : و هو راجع من اليونان زيارة سريعة بالصدفة من غير تخطيط ... دخل المجمع اليهودي و بشّر ... طلبوا منه يقعد معاهم أكتر لكن هو قال لهم إنه مستعجل يرجع أورشليم ... و هايرجعلهم تاني قريب
    2. ده حصل فعلاً في الرحلة التبشيرية التالتة ... و القديس بولس قعد في أفسس أطول فترة (حوالي 3 سنين) و كانت كنيسة قوية هناك من اليهود و الأمم ... عمل هناك معجزات عظيمة ... و كمان ألقى خطابه الوداعي من ميليتس على قسوس كنيسة أفسس.
  • كتب لهم الرسالة دي بعدها بسنين و هو مسجون في روما


• هدف السفر:
  • يفهّمنا عمل ربنا العظيم لخلاصنا و تجديد طبيعتنا
  • يفهّمنا إزاي نعيش حياتنا في المسيح و نحارب قوات الشر الشيطانية بالروح القدس
  • يفهّمنا إزاي عمل ربنا خلّى فيه كنيسة واحدة هي جسده ... تضم ناس من كل اليهود و الأمم في وحدانية


• مفاتيح فهم السفر:
  • القديس بولس (كرسول للأمم) في رسايله دايماً بيركّز على أفكار رئيسية:
    1. إن التبرير و الفداء بربنا يسوع المسيح هي نعمة منه مش بنستحقها بأعمال الناموس ... أعمالنا هي نتيجة إيماننا مش تَمَن فدائنا
    2. إن مافيش فارق في كنيسة العهد الجديد بين يهود و أمم ... الكل واحد في المسيح يسوع
    3. انتهاء ذبائح و طريقة عبادة العهد القديم ... الذبيحة الكاملة هي ذبيحة السيد المسيح، اللي بدأ معانا عهد جديد بكهنوت جديد (زي ما شرح بالتفصيل في رسالته للعبرانيين)
    4. إحنا لينا دور في قبول نعمة ربنا و خلاصه، لازم نسلك بالطبيعة الجديدة اللي أعطاها لينا ربنا في المعمودية، نسلك بثمار الروح القدس (زي ما شرح بالتفصيل في رسالة غلاطية)