عدد الإصحاحات: 10
ظروف الكتابة:
- شفنا في نهاية سفر الملوك الثاني سبي يهوذا على يد بابل وتدمير أورشليم و الهيكل
- بعد كده ب 70 سنة، بدأ بعض اليهود يرجعوا تاني أورشليم و يحاولوا يبنوا المدينة تاني و يستقروا فيها في عهد كورش ملك مملكة فارس اللي انتصرت على بابل (زي ما تنبأ إشعياء وإرميا)
- العودة من السبي حصلت على 3 مرات على يد 3 قادة: زربابل - عزرا - نحميا
- السفر ده بيحكي أحداث عودة أول فوجين (زربابل - عزرا) من السبي … الفارق الزمني بينهم 60 سنة تقريباً
هدف السفر:
يعلمنا إن العودة من السبي إلى أورشليم (الكنيسة) مش كافي إن حياتنا الروحية تتغيّر … لازم قلب جديد يقدر يحب و يطيع ربنا
مفاتيح فهم السفر:
- كاتب السفر هو عزرا الكاتب حوالي سنة 453 ق.م.
- معنى اسم عزرا أو عزريا: الله يعين
- عزرا كتب كمان سفر أخبار الأيام و جمّع أسفار العهد القديم لحد وقته (الأسفار القانونية الأولى)
- معنى اسم زربابل: المزروع في بابل (وهو يمثل الجيل اللي اتولد في السبي لكن فضل مخلص لربنا) … زربابل من نسل ملوك يهوذا (أولاد داود)
- كتير من اليهود في ال70 سنة سبي أخدوا الموضوع جد و قرّبوا من ربنا (التوقف عن عبادة الأوثان - المجامع - الكتبة للحفاظ على الشريعة)