مفاجأة الشهر: مكتبة الوعظات بشكل جديد

كل سنة و انتم طيبين ... الشهر ده خرجنا من فترة روحية دسمة و جميلة و استمتعنا بأسبوع الآلام خصوصاً الألحان و الوعظات ... ففكّرنا نخلّي مفاجأة الشهر ده في مكتبة الوعظات ... سواء في المحتوى (ننزّل وعظات جديدة) أو في طريقة العرض ... يا رب تعجبكم

• عندنا إيه؟

  • 25 وعظة سواء في كنيستنا في مختلف المناسبات (بسخة أو نهضة أو اجتماعات مختلفة) أو حاجات سمعناها و استفدنا بيها و حبّينا نشاركها معاكم
  • ال 9 وعظات بتوع أسبوع الآلام السنة دي موجودين
  • لسة عندنا وعظات كتير جميلة هنحاول ننزّلها الفترة الجاية



• طريقة عرض الوعظات:

  • تقدر تسمع كل وعظة أو تنزّلها على الجهاز بتاعك عشان تسمعها براحتك (سواء موبايل أو تابلت أو كمبيوتر)
  • فيه ملخّّص مكتوب لكل وعظة عشان نفتكر النقاط المهمة اللي فيها، ممكن برضه تعمل له download
  • ممكن تحتفظ بصفحة الوعظة في ال account بتاعك أو تعمل لها share مع أصحابك



• بتدوّر على وعظة معيّنة؟

  • تقدر تعمل search على كلمات من الوعظة اللي انت عايزها أو الواعظ اللي بتدوّر على وعظاته
  • تقدر تعمل filter على وعظات مناسبة معيّنة أو واعظ معيّن أو الوعظات اللي احنا شايفينها مهمة جداً



• تحب تشارك؟

  • ابعت لنا أي وعظات عاجباك و حابب تشاركها معانا سواء انت سجّلتها في كنيستنا أو سمعتها و عجبتك
  • برضه لو عندك أي ملاحظة أو فكرة أو تحسين للمكتبة، ابعت لنا


• و دلوقتي ... ادخل على مكتبة الوعظات و استمتع بكلمات الروح القدس الغنية على لسان الخدام

---

#اسمع_اعمل_استمتع