تأمل

أشاول أيضاً بين الأنبياء؟

  • و التسبحة فعلاً بتغير حالة الإنسان تماماً .. من الحزن و الهمّ و القلق إلى الفرح و الشكر و الاطمئنان .. و فيه حكاية حلوة في العهد القديم تؤكد المعنى ده
  • خدام مدرسة مار إفرام السرياني
  • 5 دقايق قراية

الحكاية دي حكاية شاول الملك

  • أول ملك لإسرائيل
  • بدأ بداية ممتازة
  • لكن بعد كده قلبه بِعِد خالص عن ربنا
  • و بعد ما ربنا كلم صموئيل النبي إنه يمسح داود ملك بدل شاول، كره شاول داود و استمر يطارده فترة طويلة

نلاقي شاول حاول يقتل داود في بيته، فهرب داود منه لمدينة الرامة عند صموئيل النبي .. فلمّا عرف شاول أرسل جنود عشان يقبضوا على داود .. و بعد كده:

فأرسل شاول رسلاً لأخذ داود
و لمّا رأوا جماعة الأنبياء يتنباون و صموئيل واقفاً رئيساً عليهم كان روح الله على رسل شاول فتنبأوا هم أيضاً.
و أخبروا شاول فأرسل رسلاً آخرين فتنبأوا هم أيضاً
ثم عاد شاول فأرسل رسلاً ثالثة فتنبأوا هم أيضاً.
فذهب هو أيضاً إلى الرامة و جاء إلى البئر العظيمة التي عند سيخو و سأل و قال أين صموئيل و داود فقيل: ها هما في نايوت في الرامة. فذهب إلى هناك إلى نايوت في الرامة فكان عليه أيضاً روح الله فكان يذهب و يتنبأ حتى جاء إلى نايوت في الرامة. فخلع هو أيضاً ثيابه و تنبأ هو أيضاً أمام صموئيل و انطرح عرياناً ذلك النهار كله و كل الليل
لذلك يقولون أشاول أيضاً بين الأنبياء؟

صموئيل الأول 19

و كلمة (تنبأوا) هنا معناها كانوا في حو العبادة و التسبيح

  • يعني رسل شاول لمّا شافوا جو التسبيح ده نسيوا هم جايين ليه و انضموا للناس في التسبحة (و لو نفتكر كان في الأول داود لمّا يقول تسابيح و مزامبر لشاول كان شاول بيهدا)
  • و اتكرر نفس الكلام مع الرسل التانيين
  • و بعدين شاول لمّا راح بنفسه ماقدرش غبر إنه يخلع الزي الملكي بتاعه و يشترك في التسبحة زي أي حد عادي

يا ريت شاول كان استغل الجو الروحي الجميل ده إنه يقدم توبة حقيقية بدل ما كان يتأثر ساعتها بس و بعدين يرجع زي ما كان .. أكيد ربنا كان هيقبله


عايزين نبقى أحكم من شاول .. نبقى زي داود .. نحضر التسبحة و نشارك فيها بعقلنا و قلبنا .. و نفضل في الجو الروحي ده على طول

  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة اختيار الكتب؟ هل قرأت بتركيز و خرجت بدرس مفيد شجّعك تقرأ الكتاب الأصلي؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً