ذيكو
ابصالية الجمعة
- سماع اللحن
- اسم ربنا يسوع المسيح مُفرِح و صليبه مليان قوة و بركة لكل من يؤمن به .. اللحن ده بيفهمنا أكتر
و الكنيسة رتّبت كل يوم ابصالية مختلفة .. تعالوا نتأمل في ابصالية يوم الجمعة
الرُبع الأول: اسم الخلاص:
بالحقيقة قد تقدمتُ، إلى رأسٍ عظيم، هو اسم الخلاص، الذي لربنا يسوع المسيح
ربنا يسوع هو رأس الكنيسة و احنا كلنا أعضاء في جسده
كما أن المسيح أيضاً رأس الكنيسة، و هو مخلّص الجسد
طبعاً اسم الشخص معناه استحضاره بكل قوّته عشان كده بنركّز على ذكر اسم ربنا يسوع دايماً في كل صلواتنا
اسم الرب برج حصين، يركض إليه الصديق و يتمنّع
الرُبع التاني للسابع: نعمة ربنا لعبيده:
ربنا يسوع المسيح، أعطى علامة لعبيده، الذين يخافونه، لكي يهربوا من وجه القوس
ربنا يسوع المسيح، أعطى علامة لعبيده، الذين يخافونه، ليسدّوا أفواه أسود
ربنا يسوع المسيح، أعطى علامة لعبيده، الذين يخافونه، لكي يطفئوا قوة النار
ربنا يسوع المسيح، أعطى علامة لعبيده، الذين يخافونه، لكي يُخرجوا الشياطين
ربنا يسوع المسيح، أعطى علامة لعبيده، الذين يخافونه، ليتسلّطوا على أعدائهم
ربنا يسوع المسيح، أعطى علامة لعبيده، الذين يخافونه، أن يشفوا كل مرض
جزء رائع عن معجزات ربنا لمن يخاف اسمه القدوس و يتمسّك به
يهربوا من وجه القوس : ربنا بيتدخّل و يمنع حروب رهيبة على عبيده .. أمثلة:
- أليشع النبي لمّا حاصره جيش أرام و كانت الهزيمة أكيدة و معها نهاية إسرائيل .. لكن ربنا ضرب جيش أرام بالعمى (ملوك التاني 6)
- حزقيا الملك لمّا حاصره جيش أشور و كانت الهزيمة أكيدة و معها نهاية يهوذا .. لكن ربنا أرسل الملاك و قتل 185 ألف من جيش أشور في ليلة (ملوك التاني 19)
هلمّوا انظروا أعمال اللّه، كيف جعل خِرَباً في الأرض.
مسكِن الحروب إلى أقصى الأرض. يكسر القوس و يقطع الرُمح. المركبات يحرقها بالنار.
كُفّوا واعلموا أني أنا اللّه. أتعالى بين الأمم، أتعالى في الأرض.
رب الجنود معنا. ملجأنا إله يعقوب
يسدّوا أفواه أسود : طبعاً زي ما حصل مع دانيال
يطفئوا قوة النار : طبعاً زي ما حصل مع ال3 فتية و نزول ربنا معاهم في الآتون
يُخرجوا الشياطين : زي القديس بولس .. اللي انتهر الأرواح الشريرة في رحلاته التبشيرية ( زي أعمال الرسل 19)
يتسلّطوا على أعدائهم : زي شهدائنا الأبرار .. الحملان اللي لمّا أكلتها الذئاب تحوّلت الذئاب لحملان (زي أريانوس الوالي اللي سفك دم شهداء كتير جداً لكن في الآخر هو آمن و أصبح شهيد)
يشفوا كل مرض : زي الآباء الرسل .. اللي باسم ربنا يسوع: بطرس كان ظلّه بيخرج الشياطين و بولس كانت المناديل اللي بتتحط على جسده تُخرِج الأرواح الشريرة
الرُبع التامن و التاسع: تسبيح اسم الخلاص:
من أجل هذا نمجّد، ربنا يسوع المسيح، مع أبيه الصالح، و الرُّوح القُدُس.
وهذا هو اسم الخلاص، الذي لربنا يسوع المسيح، و صليبه المحيي، الذي صُلب عليه.
عشان كده كنيستنا الشاطرة دايماً بتبدأ أي صلاة (باسم الآب و الابن و الروح القدس)
و تعلّمنا نقول (باسم الصليب)
و عملت لنا الابصاليات الجميلة دي
و علّمتنا (صلاة يسوع) اللي كلها تركيز على اسم ربنا
لازم اسم ربنا على طول يبقى في عقلنا و قلبنا و على لساننا
الرُبع العاشر و ال11: حمل الصليب:
طوبى للإنسان الذي، يترك عنه هذا العمر، و اهتماماته المملوءة تعباً، القاتلة للنفس.
و يحمل صليبه يوماً فيوماً، و يلصق عقله و قلبه، باسم الخلاص، الذي لربنا يسوع المسيح
أهم دورين لينا عشان نتمتّع ببركة ربنا في حياتنا:
نملأ دماغنا باسم ربنا مش بهموم و مشاغل الدنيا
لا تهتمّوا بشيء، بل في كل شيء بالصلاة و الدعاء مع الشُكر، لتُعلَم طلباتكم لدى الله
نتمثّل بربنا يسوع زي ما عمل القديسين اللي قلنا عليهم فوق و نحمل الصليب في حياتنا و نقبله بشُكر .. سواء خدمة أو تعب أو اضطهاد ...
إن أراد أحد أن يأتي ورائي، فلينكر نفسه ويحمل صليبه كل يوم، ويتبعني
الرُبع ال12: الفرح في كل شيء:
يفرح قلبُنا، و يتهلّل لسانُنا، إذا ما تَلَونا اسم الخلاص، الذي لربنا يسوع المسيح
النتيجة الطبيعية للتسبيح باسم ربنا هي فرح و سلام لا يُنطَق بهما
الفرح ده في وسط الضيق (مش لازم الضيقات تنتهي عشان نحسّ بالفرح ده)
مكتئبين في كل شيء، لكن غير متضايقين. متحيّرين، لكن غير يائسين
زي بولس و سيلا في سجن فيلبي
و نحو نصف الليل كان بولس و سيلا يصلّيان و يسبّحان اللّه، و المسجونون يسمعونهما.
تأملات تانية من التسبحة
# التسبحة
ذكصولوجية باكر (بي أوأويني انطا افمي)
لحن مثالي أن نبدأ به كل يوم ... موسيقى مفرحة و كلام معزي و مغذي جداً
# التسبحة
تين أويه إنسوك
لحن تين أويه إنسوك من أجمل ألحان التسبحة ... بيتقال بطرق مختلفة لكن كلامه رائع، و الظروف اللي اتقال فيها اللحن ده أروع
# التسبحة
مجمع التسبحة
مجمع التسبحة متقسم إزاي؟ و إيه الفارق بينه و بين مجمع القداس؟ و ليه بنصلي المجمع أصلاً؟ تعالوا نعرف
كلّمنا
🤔
إيه رأيك في التأمل ده و طريقة عرضه؟ هل ساعدك تفهم اللحن و تصلّيه بالروح و الذهن؟
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً