يوشيا يجدّد العهد

ملوك التاني 22 و 23

ملك جه في وقت صعب بعد ملوك أشرار لكن مشي في سكة ربنا .. جدّد الهيكل و عهد التوبة و الالتزام بالشريعة

ملوك الثاني 22 و 23

كان يوشيا ابن ثمان سنين حين مَلَك، و مَلَك إحدى و ثلاثين سنة في أورشليم

و عَمِلَ المستقيم في عينَيّ الرب، و سار في جميع طريق داود أبيه، و لم يَحِد يميناً و لا شمالاً.

و في السنة الثامنة عشرة للملك يوشيا أرسل الملك شافان بن أصليا بن مشلام الكاتب إلى بيت الرب

فقال حلقيا الكاهن العظيم لشافان الكاتب: «قد وجدتُ سفر الشريعة في بيت الرب». و سلّم حلقيا السفر لشافان فقرأه.

و أخبر شافان الكاتب الملك قائلاً: «قد أعطاني حلقيا الكاهن سفراً». و قرأه شافان أمام الملك. فلمّا سمع الملك كلام سفر الشريعة مزّق ثيابه.

...

و أرسل الملك، فجمعوا إليه كل شيوخ يهوذا و أورشليم. و صعد الملك إلى بيت الرب و جميع رجال يهوذا و كل سكان أورشليم معه، و الكهنة و الأنبياء و كل الشعب من الصغير إلى الكبير، و قرأ في آذانهم كل كلام سفر الشريعة الذي وجد في بيت الرب.

و وقف الملك على المنبر و قطع عهداً أمام الرب للذهاب وراء الرب، و لحِفظ وصاياه و شهاداته و فرائضه بكل القلب و كل النفس، لإقامة كلام هذا العهد المكتوب في هذا السفر. و وقف جميع الشعب عند العهد.

...

و لم يكُن قبله ملك مثله قد رجع إلى الرب بكل قلبه و كل نفسه و كل قوّته حسب كل شريعة موسى، و بعده لم يقُم مثله.

  • يوشيا أصبح ملك يهوذا و هو عنده 8 سنين بس
  • قبله كان فيه ملوك وحشين .. آخرهم جده منسّى و أبوه آمون .. الملوك دول خالفوا أوامر ربنا و مشيوا بعيد عنه
  • لكن يوشيا كان ملك مستقيم و كويس ... نفس سكة داود الملك
  • بعد 18 سنة من مُلكه، أرسل شافان الكاتب إلى الهيكل
  • الملوك اللي قبل يوشيا أهملوا جداً في الهيكل .. و بقى محتاج ترميم و تصليح كتير
  • و هم في الهيكل، قال حلقيا الكاهن لشافان الكاتب: أنا لقيت كتاب الشريعة!
  • شافان أخد الكتاب للملك يوشيا و قراه له
  • لمّا سمع يوشيا كتاب الشريعة خاف و زِعِل جداً .. عشان الشعب كان بعيد جداً عن تنفيذ وصايا ربنا
  • يوشيا فكّر إن ربنا أكيد متضايق مننا عشان مش بنطيع كلامه

  • يوشيا جمع كل الشعب في الهيكل .. و قرا عليهم كتاب الشريعة كله
  • في اليوم ده يوشيا و كل الشعب أخدوا وعد على نفسهم يطيعوا كل أوامر ربنا .. بكل قلبهم و قدرتهم
  • يوشيا استمر في طريقه إنه يخلّي شعبه يمشي في طريق ربنا .. كسّر كل الأصنام و كل المعابد الوثنية
  • تخلّص من كل الناس الأشرار اللي بيغضبوا ربنا من كل مدن يهوذا .. و عمل كل اللي ربنا عايزه
الزمن

بعد سبي إسرائيل، و قبل سبي يهوذا بوقت قليل

المكان

أورشليم

الشخصيات
  • يوشيا الملك
  • شافان الكاتب
  • حلقيا رئيس الكهنة
  • كل شعب اليهودية
تعالى نحفظ

و وقف الملك على المنبر و قطع عهداً أمام الرب للذهاب وراء الرب، و لحِفظ وصاياه و شهاداته و فرائضه بكل القلب و كل النفس، لإقامة كلام هذا العهد المكتوب في هذا السفر. و وقف جميع الشعب عند العهد. (ملوك التاني 23 : 3)

تعالى نصلّي

يا رب إديني نعمة و بركة و توبة زي يوشيا .. أركّز في كلامك في الكتاب المقدس و أحاول بكل قوتي أتجاوب مع نعمتك و أعمل وصاياك

تعالى نفتكر

مهما كانت الظروف اللي حواليّ وحشة أقدر بنعمة ربنا أعمل نهضة جميلة زي ما يوشيا عمل

المصدر:

قناة Saddleback Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً