ذيكو

#درس متوسط

أدوات الإضافة في القبطي

عندنا في العربي مضاف و مضاف إليه (زي ما نقول الكتاب بتاع مينا) .. تعالوا نشوف إيه الطريقة في القبطي

قبل الدرس ده لازم تكون عارف

يكون أحسن لو عرفت الدروس دي الأول قبل الدرس ده

عندنا 4 قواعد للإضافة في القبطي ... قاعدة رئيسية + بعض الاستثنائات

القاعدة الرئيسية

استخدام `nte كأداة عامة للإضافة ... و بتيجي بين المضاف و المضاف إليه ... و ممكن نستخدمها على طول

  • زي لحن Piwik `nte `pwnq يعني خبز الحياة
    هنا أداة الإضافة جاية منفصلة، كأني بالعامية باقول (الخبز بتاع الحياة) أو بالفُصحى (الخبز الذي للحياة)
  • زي برضه ما بنقول `povro `nte `p`wov يعني ملك المجد

قاعدة الأدوات الضعيفة

بدل كلمة `nte فيه 3 قواعد ممكن نستخدم بدالها `n و بتكون لازقة في المضاف إليه ... (أو `m لو المضاف إليه بيبدأ بأحد الحروف الآتية: y - f - p - m - b )

  1. لو أداة التعريف بتاعة المضاف أداة ضعيفة `p - `f - `t - `0
    • زي ما بنقول qen `fran `mFiwt
      يعني باسم الآب
    • زي ما بنقول في لحن راشي ني: Maria `0mav `nI3covc
      يعني مريم أم يسوع
  2. لو المضاف جمع بكلمة nen
    • زي ما بنقول في الهوس الأول: nen23ri `mPicra3l
      يعني بني إسرائيل
    • زي ما بنقول في لحن طاي شوري: nengig `nA`arwn
      يعني يدّي هارون
  3. لو المضاف إليه مافيهوش أي أداة
    • زي ما بنقول في ذكصولوجية كيهك: niavl3ov `nte `p3i `nDavid
      يعني ديار بيت داود
    • زي ما بنقول في لحن التمجيد: Ov`xlom `nnovb : ov`xlom `nhat
      يعني إكليل ذهب و إكليل فضة

قاعدة مكان ال ...

فيه بعض الكلمات مالهاش في القبطي مرادف بكلمة واحدة ... يعني في العربي لمّا نقول (مذبح) دي كلمة واحدة لكن مالهاش بديل في القبطي

في الحالات دي بتُستَخدم كلمة ma اللي معناها مكان و بعد كده `n كأداة إضافة و بعد كده الفعل اللي بيحصل في المكان و كل ده بيبقى كلمة واحدة

زي ما بنقول في لحن طاي شوري ma`ner2wov2i
يعني المذبح (مكان الذبح)

قاعدة الكلمة الواحدة

على عكس القاعدة اللي فاتت، فيه كلمات في العربي (مضاف و مضاف إليه) بيقابلهم كلمة واحدة في القبطي

زي كلمة patriarx3c
يعني بطرك (رئيس الكهنة)

كلّمنا

🤔 إيه رأيك في الدرس و طريقة عرضه؟ هل ساعدك تتعلّم اللي انت عايزه بطريقة واضحة؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً