إشباع الجموع

متى 14، مرقس 6

5000 عيلة ... نأكلهم إزاي؟؟ ببركة ربنا، يشبعوا بغدا ولد صغير

مرقس 6

فلما خرج يسوع رأى جمعا كثيرا، فتحنن عليهم إذ كانوا كخراف لا راعي لها، فابتدأ يعلمهم كثيرا. وبعد ساعات كثيرة تقدم إليه تلاميذه قائلين: «الموضع خلاء والوقت مضى. اصرفهم لكي يمضوا إلى الضياع والقرى حوالينا ويبتاعوا لهم خبزا، لأن ليس عندهم ما يأكلون».

فأجاب وقال لهم: «أعطوهم أنتم ليأكلوا».

فقالوا له: «أنمضي ونبتاع خبزا بمئتي دينار ونعطيهم ليأكلوا؟»

فقال لهم: «كم رغيفا عندكم؟ اذهبوا وانظروا».

ولما علموا قالوا: «خمسة وسمكتان».

فأمرهم أن يجعلوا الجميع يتكئون رفاقا رفاقا على العشب الأخضر. فاتكأوا صفوفا صفوفا: مئة مئة وخمسين خمسين.

فأخذ الأرغفة الخمسة والسمكتين، ورفع نظره نحو السماء، وبارك ثم كسر الأرغفة، وأعطى تلاميذه ليقدموا إليهم، وقسم السمكتين للجميع،

فأكل الجميع وشبعوا. ثم رفعوا من الكسر اثنتي عشرة قفة مملوة، ومن السمك.

وكان الذين أكلوا من الأرغفة نحو خمسة آلاف رجل.

سؤال

إيه المشاكل الصعبة على ربنا؟

الإجابة

مفيش حاجة صعبة على ربنا


نشوف إيه؟
  • كان فيه مشكلة كبيرة جداً ... 5000 عيلة جعانين، هنجيب لهم أكل منين؟؟
  • ربنا كان عايز يعلّم الناس تثق في عناية ربنا ليهم ... فمسمعش كلام التلاميذ .. مقالش للناس تمشي
  • مفيش حاجة صعبة على ربنا ... قدر بالغداء بتاع ولد صغير (5 أرغفة و سمكتين) إنه يشبّع الناس دي كلّها (5000 عيلة)
  • ربنا يقدر يعمل أي حاجة
  • ربنا أثبت في القصة دي إنه بحاجة قليلة جداً يقدر يعمل حاجة عظيمة جداً ... لازم نصدق كده إننا لو إدينا ربنا القليل اللي عندنا نثق فيه إنه هيعمل مننا حاجة عظيمة
  • 0 ... مفيش أي حاجة نقدر نحطّها أو نفكّر فيها تبقى صعبة على ربنا
  • ربنا قدرته أعظم بكتير من أي مشكلة تقابلنا ... نقدر دايماً نثق فيه إنه يعتني بينا
  • الولد الصغير إدّى الغدا بتاعه للتلاميذ لمّا كان فيه مشكلة كبيرة ...مكانش أناني و قال أنا آكل مش مهم الناس ... ببركة ربنا، القليل ده بقى حاجة عظيمة شبّعت ناس كتير
  • لما تشوف مشكلة كبيرة إعمل اللي تقدر عليه ... و خلّيك واثق إن إيد ربنا القوية هي اللي هتكمّل
  • ربنا هو اللي عمل كل حاجة نقدر نشوفها على الأرض أو في البحر أو السما ... عشان كده مفيش حاجة صعبة عليه

المشكلة

ساعات بخاف من حاجات أو بتضايق و أقول ملهاش حل 😟

الحل

صلّي و خلّيك واثق إن مفيش حاجة صعبة على ربنا ... اعمل اللي عليك بس و افتكر ال 5000 اللي شبعوا بأكلة ولد صغير 😉


صورة للتلوين

التلاميذ و هم بيقسموا السمك و العيش على 5000 عائلة من 5 خبزات و سمكتين

الزمن

بعد استشهاد يوحنا المعمدان

المكان

إسرائيل

الشخصيات
  • ربنا يسوع
  • الناس اللي بتسمعه
  • التلاميذ
  • الولد اللي جايب معاه غدا
تعالى نحفظ

آه، أيها السيد الرب، ها إنك قد صنعت السماوات والأرض .. لا يعسر عليك شيء (إرميا 32 : 17)

تعالى نصلّي

يا رب ... أنا ساعات أخاف و ماعرفش أعمل إيه ... إرشدني للحاجة الصح اللي أعملها ... و حافظ عليّ ... و ساعدني أثق إنك هتاخد بالك مني و تحافظ عليّ ... ساعدني أفتكر و أثق دايماً إن مفيش أي حاجة صعبة عليك

تعالى نفتكر

نفتكر إن بركة ربنا بتبارك في القليل و تحوّله لكتير جداً ... مفيش مستحيل على ربنا

المصدر:

Bible App for Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

مثل الوزنات
متى 25 : 14 ل 30 - لوقا 19 : 26

أنا عندي كنوز كتييير ربنا مدّيها لي أنا بس ... و ربنا مستنّي إنّي أشتغل بيها و أكسّبه و هو يدّيني أعظم مكافأة

مثل حبة الخردل
متى 13 : 31 و 32

بقى معقول ملكوت ربنا العظيييم ده ... بتشبّه بحَبّة قد السمسمة؟!!! تعالوا نفهم إزاي

مثل الشبكة
متى 13 : 47 ل 50

مين فينا شاف في الحقيقة أو التليفزيون منظر الصياد و هو بيرمي شبكة عشان يصطاد؟ عارفين إن ربنا يسوع استخدم الشبكة عشان يوصف الكنيسة و إحنا السمك؟

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً