معلومة سريعة

آحاد الخماسين المقدسة

الخماسين المقدسة زي الصوم الكبير لها آحاد مميزة ... و حتى فيها واحد زي الصوم الكبير
تعالوا نتعرف على الآحاد دي و سبب اختيارها

1. الأحد الأول (أحد توما): الثبات في الإيمان
عيد سيدي صغير ... بيتكلم عن ظهور ربنا للتلاميذ و معهم توما اللي قال لازم أشوف بعيني عشان أؤمن ... فربنا ظهر لهم و خلّى توما يشوف و يلمس الجراحات و قال: "طوبى لمن آمن و لم يرى"
و ده إثبات للاهوت و قيامة السيد المسيح

2. الأحد الثاني: خبز الحياة
بيتكلم عن أهمية التناول من جسد و دم ربنا ... يقول رب المجد في إنجيل القداس "أنا هو خبز الحياة من يقبل إليّ فلن يجوع ومن يؤمن بي فلن يعطش أبداً"

3. الأحد الثالث (السامرية): ينبوع الحياة
زي ما بنقرأ السامرية في الصوم الكبير نقرأها أيضاً في الخماسين ... لأن ربنا بيبيّن فيها إنه وحده ينبوع الحياة لكل عطشان مش العالم ... قال الرب للمرأة السامرية "كل من يشرب من هذا الماء يعطش أيضًا أما من يشرب من الماء الذي أعطيه أنا له فلن يعطش إلى الأبد. بل الماء الذي أعطيه له يصير فيه ينبوع ماء ينبع إلى حياة أبدية"

4. الأحد الرابع: نور العالم
القيامة نقلتنا من الظلمة إلى النور ... و ربنا أعطانا النور ده بكلمته " أنا جئت نورًا للعالم حتى ان كل من يؤمن بي لا يمكث في الظلام"
لازم نثبت في كلمة الله (الإنجيل) و نمشي عليها لأنها هي اللي بتنوّر طريقنا " سراج لرجلي كلامك ونور لسبيلي"

5. الأحد الخامس: طريق الحياة
ربنا مش بيرشد للطريق ... ربنا هو نفسه الطريق (طريق الحياة الأبدية) " أنا هو الطريق والحق والحياة. ليس أحد يأتي إلى الآب إلا بي"
أي حد فينا يحس إنه تايه لازم يفتكر إن ربنا و كلام ربنا هو الطريق الوحيد

6. الأحد السادس: الصلاة
ده الأحد اللي بعد عيد الصعود على طول ... و في الفترة بين الصعود و حلول الروح القدس كان التلاميذ مجتمعين في علية مار مرقس بيصلوا بروح واحدة و بحرارة كبيرة لمدة 10 أيام
و طبعاً لازم اللي يصلي بحرارة ينال أهم و أحسن عطية (الروح القدس)

7. الأحد السابع: الروح القدس
حلول الروح القدس ... روح الحق المعزّي ... يوم ميلاد الكنيسة لأنه اليوم اللي بدأ فيه الرسل كرازتهم للعالم كله
الروح القدس يعمل فينا بقوة ويرشدنا إلى الطريق والحق والحياة الأبدية.

فعلاً حكمة عظيمة من الكنيسة ... بدأت بالقيامة و الثبات في الإيمان ثم المشي في طريق الحياة بالصلاة و الثبات في نور الإنجيل و الخبز الحي (التناول) و ينبوع الحياة ... فنصعد بأرواحنا و قلوبنا و عقولنا للسماء ... و نمتلئ بالروح القدس المحيي فنبدأ خدمتنا و كرازتنا في العالم


  • تقدر تعمل account على الموقع من هنا و تحتفظ بالمقال على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالمقال ده مع بعض
  • تقدر تعمل download للمقال على الجهاز بتاعك

كلّمنا

🤔 إيه رأيك في الملخص ده و طريقة الصفحة دي؟ هل اتعلّمت معلومة جديدة مفيدة؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً