أيقونة السيد المسيح في سانت كاترين

عن الأيقونة

الأيقونة اللي بيحمل فيها السيد المسيح الإنجيل مقفول (زي ما بنشوف هنا) بيسمّيها الروم أيقونة الباندوكراطور (ضابط الكل) ... و دي أشهر أيقونة عندهم

الأيقونة دي ممكن نكون شوفنا تقليدات منها قبل كده، لكن النسخة الأصلية منها موجودة في دير سانت كاترين من القرن السادس الميلادي

فيه حاجتين لو دقّقنا في الأيقونة هانلاقيهم غريبين شوية:

1) الوجه نصفين (إنسان وديع و إله قوي)

لو بصّينا في الأول هانفتكر إن الرسمة فيها غلطة (العينين مختلفين)، لكن دي مقصودة

لو رسمنا خط يقسم الوش نصّين، هنلاقي النصف الأيمن من وجه المسيح يختلف عن النصف الأيسر من حيث سمك الحواجب واتساع العين ووضع الفم:

• النصف الأيسر من وجه المسيح يمثل المسيح الإنسان المحب بملامحه الهادئة المبتسمة
• أما النصف الأيمن من وجه المسيح يمثل المسيح الإله الديّان بملامحه الغاضبة يوم الدينونة

و بكده الأيقونة بتعبر عن طبيعة السيد المسيح (إنسان كامل و إله كامل)

2) الأصابع تشير للسيد المسيح

حاجة تانية غريبة هي وضع أصابع يد السيد المسيح

الوضع ده بيشير لكلمة (إيسوس خريستوس) يعني يسوع المسيح باليوناني و القبطي ... إزاي؟

• ال 3 صوابع اللي تحت عاملين حرف I ... و البنصر مع اليد عامل حرف C ... أول و آخر حرف من كلمة (ايسوس)
• الصباعين اللي فوق عاملين حرف X كده فوق بعض ... و الخنصر مع اليد عامل حرف C ... أول و آخر حرف من كلمة (خريستوس)