ذيكو

# الأعياد و الأصوام

عيد الصعود

بعد 40 يوم من القيامة، بنحتفل بعيد سيّدي كبير تاني: عيد الصعود

أحداث العيد

  • زي ما بنشوف في إنجيل العيد (لوقا 24): إن بعد القيامة و لمدة 40 يوم، فضل السيد المسيح يظهر لتلاميذه ظهورات كتير ...
  • يطمّنهم و يثبّتهم ... يفهّمهم الكتب و النبوات اللي بتتكلم عنه ... يسلّمهم الطريقة اللي يخدموا بيها
  • بعد كده في اليوم ده رجع تاني يؤكد لهم موعد الروح القدس ... قال لهم:

    • "وها أنا أرسل إليكم موعد أبي . فأقيموا في مدينة أورشليم إلى أن تلبسوا قوة من الأعالي." وأخرجهم خارجا إلى بيت عنيا ، ورفع يديه وباركهم وفيما هو يباركهم ، انفرد عنهم وأصعد إلى السماء فسجدوا له ورجعوا إلى أورشليم بفرح عظيم وكانوا كل حين في الهيكل يسبحون ويباركون الله

    لوقا 24 : 49 ل 53
  • و شتان بين حال التلاميذ في اليوم ده و حالهم ليلة الجمعة العظيمة ... ليلة الجمعة العظيمة كان ترك المسيح لهم مصدر حزن و خوف و اكتئاب
  • ... بينما المرة دي ترك المسيح لهم مصدر فرح و تعزية ... متأكدين إنه معهم كل حين ... متأكدين إن الخلاص و الفداء تم ... و عارفين إن ليهم رسالة ... و مستنيين الروح القدس

تعالوا نشوف برنامج النهاردة (على قناة ME Sat) لأبونا انجيلوس جرجس

ليه عيد الصعود مهم؟

الكنيسة وضعت عيد الصعود من الأعياد السيدية الكبرى لأهميته:

  • الصعود معناه دخول السيد المسيح بذبيحة نفسه أمام الله الآب ... ذبيحة أبدية قائمة في السماء
  • صعود السيد المسيح يمثل صعود لطبيعتنا الساقطة ... صعد بلاهوته المتحد بناسوته و جسده الممجد ... بالصعود أصبح لينا مكان :

    • من يصعد إلى جبل الرب؟ ومن يقوم في موضع قدسه؟

    مزمور 24 : 3

    وأقامنا معه، وأجلسنا معه في السماويات في المسيح يسوع

    أفسس 2 : 6

    أنا أمضي لأعد لكم مكانا، وإن مضيت وأعددت لكم مكانا آتي أيضا وآخذكم إلي، حتى حيث أكون أنا تكونون أنتم أيضا

    يوحنا 14 : 2 و 3

    حياتنا بين الحدثين دول (الصعود و المجيء التاني) ... ربنا جهّز لنا كل شيء، و إحنا علينا إننا نحافظ على المكان ده

  • تأكيد لإن السيد المسيح اللي 'نزل إلى الجحيم من قبل الصليب' هو اللي صعد إلى أعلى السماوات ... بعد ما أتم الفداء
  • تذكرة لينا إن ربنا زي ما صعد هيأتي تاني ... في اليوم الأخير كديّان عادل ... و احنا نقول له: آمين تعالى أيها الرب يسوع
الطقس
  • طبعاً الطقس فرايحي زي فترة الخماسين، مع اختلاف الألحان (أرباع الناقوس و الذكصولوجية و مردات الإبركسيس و المزمور و الإنجيل و الختام) اللي بتتكلم عن القيامة و الصعود، بعد ما كانت بتتكلم عن القيامة فقط
  • لا يُقرأ السنكسار، لكن دورة الخماسين بتختلف شوية (تتعمل جوة الهيكل فقط)
  • يستمر الطقس كده 10 أيام حتى حلول الروح القدس
الألحان

بركة هذا العيد العظيم تكون معنا أمين

كلّمنا

🤔 إيه رأيك في الملخص ده و طريقة الصفحة دي؟ هل اتعلّمت معلومة جديدة مفيدة؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً