ذيكو
رفع بخور عشية و باكر
صلوات رفع بخور عشية و باكر هي صلوات استعداد للشعب و الكاهن لاستقبال السيد المسيح في القداس
صلاة الشكر و دورة البخور
- أبونا بيفتح ستر الهيكل من الشمال لليمين (إشارة لفتح باب السماء) و نقول أبانا الذي
- يبدأ أبونا بصلاة الشكر و هو رافع الصليب كعلامة للمصالحة بين الله والبشرية
-
بعد كده أبونا و الشماس بيعملوا دورة البخور في الهيكل، وفي آخرها أبونا يخرج من الهيكل و يبخّر قدام الهيكل على شكل صليب … و في أثناء كده الشعب يقول أرباع الناقوس
تقال باللحن الأدام (الأحد – الإثنين – الثلاثاء) تعالوا فلنسجد للثالوث القدوس : أمويني مارين أو أوشت
تقال باللحن الواطس (الأربعاء – الخميس – الجمعة – السبت) نسجد للآب والابن والروح القدس : تين أوأوشت إم إفيوت -
وفي آخرها أبونا يخرج من الهيكل و يبخّر قدام الهيكل على شكل صليب: للثالوث القدوس - بعد كده أمنا العدرا - بعد كده الملايكة - بعد كده القديس يوحنا المعمدان - بعد كده الثالوث القدوس تاني
ناخد بالنا إن أبونا بيبخّر في اتّجاه الأيقونات (العدرا أيقونتها على يمين المذبح لأنها الملكة الجالسة عن يمين الملك، و يوحنا المعمدان صديق العريس أيقونته على يسار المذبح)
| الوقت | دور الشماس |
|---|---|
| قبل صلاة الشكر | لمّا أبونا يقول (إشليل - صلّوا) يرد الشماس: (إيبي أبروس إفشي إسطاثي تيه - للصلاة قفوا) |
| أثناء صلاة الشكر | لمّا أبونا يقول (إنجي بي باندوكراطور إبتشويس بيننوتي - صلّوا) يرد الشماس: (إبروس إفكساستي - صلوا) |
| أثناء صلاة الشكر | لمّا أبونا يقول (و أتيت بنا إلى هذه الساعة) يرد الشماس: (اطلبوا لكي يرحمنا الله و يتراءف علينا و يسمعنا و يعيننا و يقبل سؤالات و طلبات قديسيه، منهم بالصلاح عنا في كل حين، و يغفر لنا خطايانا) |
| بعد صلاة الشكر | يعطي الشماس الشورية لأبونا ثم يقدّم له درج البخور ... و أبونا يضع خمس أيادي بخور في الشورية
تشير ل5 رجال العهد القديم (هابيل- نوح- ملكي صادق- هارون - زكريا) الذين قربوا لله تقدمات مقبولة فتنسّم منها رائحة الرضا |
| بعد كده: دورة البخور | يدور أبونا حول المذبح 3 مرات و هو يقول الثلاث أواشى الصغار (السلامة – الأباء – الاجتماعات) و يدور الشماس قدامه رافعاً الصليب و الانجيل مردّداً سراً مردات الأواشي، يخرج بعدها الشماس من الهيكل ثم يدخل |
ناخد بالنا إن دخول الهيكل برجلنا اليمين الأول (رمز القوة و العظمة) والخروج بالرجل الشمال بضهرنا (عشان تفضل عيوننا نحو الهيكل)
الأواشي
نقدر نعرف أكتر في معلومة (أواشي رفع بخور)
| الوقت | دور الشماس |
|---|---|
| قبل الأواشي | لمّا أبونا يقول (إشليل - صلّوا) يرد الشماس: (إيبي أبروس إفشي إسطاثي تيه - للصلاة قفوا) |
| أثناء الأواشي | الشماس بيقول المرد الخاص بكل أوشية (و يمكن أو يمسك الصليب و يقف خلف الكاهن) |
| أثناء أوشية الراقدين | تقديم درج البخور للكاهن ليضع بخوراً (قبل ما يبخر الكاهن في ال4 اتجاهات و هو يقول: من مشارق الشمس إلى مغاربها ومن الشمال إلى اليمين) |
دورة البخور و الذكصولوجيات
- بعد الأواشي بيقول الشعب (تفضل يا رب أن تحفظنا) في عشية زي ما بنقولها في صلاة النوم ... أما في باكر بنقول (فلنسبح مع الملائكة) زي صلاة باكر في الأجبية
- بعد كده قدوس الله و السلام لك / شيري ني تين تي هو إيرو ... (مقدمة الذكصولوجيات)
-
بنقول الذكصولوجيات و هي تماجيد للقديسين (شبه ال CV لحياة كل قديس) وأعياد الكنيسة
نقدر نسمع بعضها هنا
-
في أثناء كده، أبونا بيعمل دورة البخور:
- يدخل أبونا الهيكل يحط يد بخور بعد كده يدور حول المذبح مرة واحدة
- بعد كده ينزل ويعطي ثلاث أيادي بخور شرقاً ثم يبخر بالطريقة اللي اللي قلناها في دورة البخور (العذراء - الملائكة و الرسل و القديسين و الشهداء - يوحنا المعمدان)
- و بعدين عند المنجلية للإنجيل
- بعد كده أبونا بيلف في صحن الكنيسة على شكل ∞
ياخد اعترافات سريعة من الشعب و ياخد صلواتهم معاه و هو راجع الهيكل
| الوقت | دور الشماس |
|---|---|
| أثناء الذكصولوجيات | ممكن يساعد المرتل في الذكصولوجيات |
| عند رجوع الكاهن من دورة البخور | ياخد من أبونا الشورية و يضعها على الحامل |
قانون الإيمان و افنوتي ناي نان و التمجيد
- بعد كده بنقول قانون الإيمان
- بعد كده أبونا بيقف قدام الهيكل رافعاً يده اليمني بالصليب و3 شمعات و يقول افنوتي ناي نان (إشارة إلي أن عمل الصليب كان نور وحياة وسبب رحمة للعالم كله)
- في رفع بخور باكر في صوم نينوى و الصوم الكبير (ما عدا السبوت والآحاد) تقرأ هنا النبوات ثم الطلبات
- بعد كده ممكن يتعمل تمجيد (حسب قديس اليوم) و زفة (لفتين في الهيكل ثم لفتين ونصف في صحن الكنيسة ثم لفة في الهيكل)
| الوقت | دور الشماس |
|---|---|
| في آخر قانون الإيمان | يعطي أبونا ال3 شمعات |
| لو فيه تطييب لجسد قديس | الشماس بيقرب المائدة اللي عليها الحنوط لأبونا |
| لو فيه زفة |
|
الإنجيل و الأواشي و الختام
-
بعد كده أوشية الإنجيل و قراءة الإنجيل
طقسياً أكبر رتبة هي اللي تقرأ الإنجيل
- بعد كده أبونا بيقول (حسب الوقت) الثلاث أواشي الصغار (السلام – الآباء – الموضع) + حسب الوقت من السنة أوشية المياه أو الزروع أو الأهوية + أوشية الاجتماعات
- بعد كده (أبانا الذي) و التحليل و الختام
| الوقت | دور الشماس |
|---|---|
| أوشية الإنجيل |
|
| قراءة الإنجيل |
|
| أثناء الأواشي | الشماس بيقول المرد الخاص بكل أوشية (و يمكن أو يمسك الصليب و يقف خلف الكاهن) |
| في آخر أبانا الذي | يمسك البشارة و يسجد و يرد المردات … ثم في الختام يعطي البشارة لأبونا |
نقدر نشوف و نفهم أكتر في العشية التعليمية دي
# طقس القداس
قداس الموعوظين
بعد تقديم الحَمَل بييجي حزء تعليمي في القداس: قداس الموعوظين اللي بنقرا فيه أجزاء من الكتاب المقدس
# طقس القداس
تقديم الحمل
الطريقة الطقسية الدقيقة اللي بيها بيختار أبونا الذبيحة المُختارة (ربنا يسوع) كأفضل ذبيحة في كل الذبائح
# طقس القداس
لبس التونية و المزامير
في بداية القداس بعد رفع بخور باكر، بنلبس التونية وسط صلوات و ألحان رائعة ... و بعدين نصلّي المزامير بترتيب معيّن
كلّمنا
🤔
إيه رأيك في الملخص ده و طريقة الصفحة دي؟ هل اتعلّمت معلومة جديدة مفيدة؟
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً