قداس الموعوظين

سبب الاسم إن الموعوظين يقدروا يحضروا الجزء ده بس
لكن طبعاً المؤمنين المتعمّدين هم كمان بيحضروه

شرح للقرائات في القداس للأنبا رافائيل من برنامج رحلة للسما على قناة Koogi

دور الشعب

بعد تحليل الخدّام بنقول لحن خاص بأمنا العدرا زي:

1. تي شوري في الأصوام و سبوت و آحاد الصوم الكبير
2. انثو تي تي شوري في باقي أيام الصوم الكبير و أيام صوم أهل نينوى
3. طاي شوري في كل أيام الفطار

العذراء مريم تقودنا في التسبيح في القداس رحلتنا للسما تماماً كما فعلت مريم اخت موسى حينما قادت الشعب بالتسبيح بعد أن أنقذ الرب شعب بنى إسرائيل من فرعون بعبور البحر الأحمر

بعد كده، ممكن نقول لحن أو 2 كمان:

1. الهيتنيات : تمجيد للقديسين
2. بى اهموت غار : يقال هذا اللحن في حالة وجود الأسقف و في الأعياد

دور الشماس

الشماس بيقرا البولس (جزء من رسالة من ال14 رسالة بتوع القديس بولس الرسول):

1. بالقبطي: إذا سمح الوقت، على المنجلية القبطي (اللي باصّة ناحة الشرق)
2. بالعربي: على المنجلية العربي (اللي باصّة ناحية الشعب)

الشمّاس اللي بيقرا المفروض يكون على الأقل أغنسطس ... و لازم يكون فاهم كويس جداً اللي بيقراه و يقراه بطريقة تفسيرية عشان الشعب كمان يفهم
نقدر نقرا أكتر عن رتب الشمامسة

دور الكاهن

أبونا بيعمل دورة البولس زي ما بنشوف في الفيديو ده

فيديو لدورة البولس من القداس من كنيسة رئيس الملائكة الجليل رافائيل - بالهانوفيل

1. يضع بخور فى الشورية بعد ما يقدّمها له الشماس .. و يقرا سر بخور البولس سراً

   انعم لنا و لشعبك بعقل غير منشغل و فهم نقي لكي نعي و نفهم ما هى منفعة تعاليمك المقدسة التى تُقرأ علينا
   إجعلنا مستحقين ان نكون متشبهين به (بولس) فى العمل و الايمان

البخور بيرمز لصلوات القديسين، و له استخدامات و رموز مهمة جداً في صلوات الكنيسة زي ما ممكن نقرا هنا
2. بعد كده أبونا بيبخّر 3 دورات داخل الهيكل حول المذبح و هو يقول الثلاث أواشى الصغار (السلامة - الآباء- الاجتماعات)
   قدّام أبونا بيلفّ شمّاسين: واحد ماسك الصليب (بيتقدّم) و واحد ماسك البشارة ... لأن الصليب كان قبل الكرازة
3. بعد كده كلّهم بيخرجوا، و أبونا بيبخّر قدّام الهيكل على ترتيب الصورة دي
   للثالوث القدوس - بعد كده أمنا العدرا - بعد كده الملايكة - بعد كده القديس يوحنا المعمدان - بعد كده الثالوث القدوس تاني

ناخد بالنا إن أبونا بيبخّر في اتّجاه الأيقونات (العدرا أيقونتها على يمين المذبح لأنها الملكة الجالسة عن يمين الملك، و يوحنا المعمدان صديق العريس أيقونته على يسار المذبح)
4. بعد كده أبونا بياخد بركة الإنجيل (من المنجلية) و بيعمل دورة البولس من بحري لقبلي
   (يعني من ناحية الرجال و بعد كده يرجع من الممرّ الرئيسي اللي في النُص و بعد كده يكمّل النص التاني ناحية السيدات)
   و هو يقول (بركه بخور البولس فلتكن معنا امين) ... زي ما بنشوف في الصورة دي

أبونا بيلف الكنيسة كلها زي ما بولس الرسول لف العالم كله
فى أثناء قيام أبونا بالدورة: احنا بنقوم بتقديم اعترافتنا السريعة و احنا كلنا ثقه انها هتوصل لربنا لأنها بتصعد مع البخور المتصاعد من الشورية
5. بعد كده يرجع و يقف امام الهيكل و يقول سر الرجعة (سر اعتراف الشعب)

يا الله الذي قبل إليه اعتراف اللص اليمين علي الصليب المكرم، اقبل إليك اعترافات شعبك و اغفر لهم كافة خطاياهم من أجل اسمك القدوس الذي دعي علينا. كرحمتك و ليس كخطايانا.

يقدم لربنا اعترافات شعبه التى أخذها اثناء عمله الدورة
6. في الآخر بيدخل الهيكل و يعمل دورة واحدة داخل الهيكل ... بعد كده الشماس بياخد الشورية من أبونا و يضعها على الحامل بتاعها في الهيكل
تشير الى رجوع بولس الى أورشليم مرة تانية بعد رحلات التبشير (في آخر الرحلة التبشيرية التالتة )

دور الشعب

ممكن قبل الكاثوليكون يتقال مرد الكاثوليكون لحن (ابتجيك ايفول)

دور الشماس

الشماس (على الأقل أغنسطس) بيقرا الكاثوليكون (جزء من رسالة آبائنا الرسل) بالقبطي و بعد كده بالعربي (زي البولس)

كلمة (كاثوليكون) باليوناني يعني (جامعة) ... لأن الرسائل دي مُرسَلة لكنائس العالم كله، و بتتكوّن من رسائل:

1. القديس يعقوب [أخو الرب] (رسالة واحدة)
2. القديس بطرس (رسالتين)
3. القديس يوحنا الحبيب (3 رسائل)
4. القديس يهوذا [أخو الرب] (رسالة واحدة)

دور الكاهن

اجعلنا مستحقين نصيبهم (الرسل) و انعم لنا كل حين أن نسلك فى آثارهم و نكون متشبّهين بجهادهم

دور الشعب

بعد الكاثوليكون بنقول مرد الإبركسيس اللي بيختلف حسب المناسبة:

1. شيري ني ماريا في الأبام السنوي (و ممكن بعدها يُضاف ملاك أو قديس اليوم أو الكنيسة)
2. شاري افنوتي في أيام الصوم الكبير و أيام صوم أهل نينوى
3. آري باميفئي في سبوت و آحاد الصوم الكبير
4. كل عيد سيّدي له مردّ خاص

دور الشماس

الشماس (أغنسطس على الأقل) بيقرا الإبركسيس (جزء من سفر أعمال الرسل اللي كتبه القديس لوقا الرسول) بالقبطي و بعد كده بالعربي (زي البولس)

كلمة (إبركسيس) كلمة قبطية معناها (أعمال)

دور الكاهن

أبونا بيعمل دورة الإبركسيس

1. بيقول سر الإبركسيس سراً

   يا الله الذي قبل إليه محرقة إبراهيم و بدلًا عن إسحق أعددت له خروفاً، هكذا إقبل منا أيضاً يا سيدنا محرقة هذا البخور و أرسل لنا عِوَضه رحمتك الغنية.
   إجعلنا نكون أنقياء من كل نَتَن الخطية و إجعلنا مستحقين ان نخدم أمام صلاحك يا محب البشر بطهارة و بر كل أيام حياتنا بالمسيح يسوع ربنا هذا الذي ينبغي لك معه المجد و الإكرام ...

2. بياخد الشورية من الشماس و يضع فيها يد بخور واحدة
3. بعد كده أبونا بيبخّر 3 دورات داخل الهيكل حول المذبح و هو يقول الثلاث أواشى الصغار (السلامة - الآباء- الاجتماعات)
4. بعد كده بيخرج، و بيبخّر قدّام الهيكل زي دورة البولس
5. بعد كده أبونا بيعمل دورة الإبركسيس في مكان الخورس بس و هو بيقول:
   بركه سادتى الآباء الرسل المقدسة فلتكن معنا امين
يذكرنا بأن الرسل كانوا قد بدأوا عملهم الكرازى داخل أورشليم و اليهودية فقط حسب وصية السيد المسيح
يطوف أبونا فى الدورة من ناحيه قبلى إلى بحرى عكس دورة البولس (إشارة الى تقديس جميع جهات الارض)
6. بعد كده يرجع و يقف أمام الهيكل و يعطى الشورية إلى الشماس دون أن يقوم بعمل دورة فى الهيكل مثلما عمل فى دورة البولس
إشارة أن معظم الرسل قد استشهدوا خارج اورشليم و لم يعودوا إليها بعد خروجهم للكرازة

السنكسار هو سِيَر القديسين اللي في الكنيسة ...
أول من كتبه الأنبا ميخائيل أسقف (أتريب) و هو من آباء القرن ال13

الكنيسة بتقراه بعد الإبركسيس مباشَرَةً لأن السنكسار من الناحية الكنسية هو امتداد لسفر أعمال الرسل ...
معظم القديسين كمّلوا تاريخ الكنيسة بعد أعمال الرسل

أيام الخماسين لا نقرأ السنكسار (لأننا نركز مع فرحنا بقيامة السيد المسيح) ... و بدل السنكسار بنعمل دورة القيامة

السنكسار بنلاقي فيه:

1. الأعياد السيّدية
2. أعياد شهرية للقديسين (العدرا و الملاك ميخائيل)
3. تذكار نياحة أو استشهاد آبائنا قدّيسين و أنبياء العهد القديم
4. تذكار نياحة أو استشهاد آبائنا الرسل
5. تذكار استشهاد آبائنا شهداء العهد الجديد
6. تذكار نياحة آبائنا الرهبان و أمهاتنا الراهبات و القديسين و القديسات
7. تكريس كنائس الشهداء و القديسين
8. نياحة آبائنا البطاركة
9. معجزات ربنا عملها و تمجّد بيها مع شعبه على مدار تاريخ الكنيسة أو أحداث مهمة في تاريخ الكنيسة (زي المجامع المسكونية)

أجيوس

بعد السنكسار ممكن نقول (أكسيا) أو (أكسيوس) لقديس اليوم ... بعد كده بنقول لحن أجيوس

أوشية الإنجيل

أبونا بيحُط يد بخور واحدة و ياخد الشورية و يصلّي خارج الهيكل و وجهه للشرق

الشماس بيقف وراه و هو ماسك البشارة و قدامها الصليب و رافعهم بإيديه

صلِّ.
للصلاة قفوا
السلام لجميعكم
و لروحك أيضاً
أيها السيد الرب يسوع المسيح إلهنا الذى خاطب تلاميذه القديسين و رسله المُكَرَّمين قائلاً:
إن أنبياءً و أبراراً كثيرين اشتهوا أن يروا ما أنتم ترون و لم يروا و أن يسمعوا ما أنتم تسمعون و لم يسمعوا.
أمّا أنتم فطوبى لعيونكم لأنها تبصر و لآذانكم لأنها تسمع.
فلنستحق أن نسمع و نعمل بأناجيلك المقدسة بطلبات قديسيك.
صلوا من أجل الإنجيل المقدس.
يا رب ارحم.
أذكر أيضاً يا سيدنا كل الذين أمرونا أن نذكرهم فى تضرعاتنا و طلباتنا التى نرفعها إليك أيها الرب إلهنا.
الذين سبقوا فرقدوا يا رب نيّحهم، المرضى اشفِهم.
لأنك أنت هو حياتنا كلنا و خلاصنا كلنا و رجاؤنا كلنا و شفاؤنا كلنا و قيامتنا كلنا.

يدخل أبونا و الشماس الهيكل ثم يضع أبونا يد بخور واحدة بعد كده يدور بوجهه و الشماس قدامه بضهره و يسلّم الشماس البشارة الى الكاهن

في نهاية الدورة بيقف الشماس على شمال المذبح و أبونا على اليمين و بتتقال مقدمة الإنحيل

قفوا بخوف الله لسماع الإنجيل المقدس
مبارك الآتي باسم رب القوات يا رب بارك الفصل من الإنجيل المقدس من ( …… )
المجد لك يا رب

الإنجيل

أبونا يخرج و يقف عند الإنجيل و يبخر 3 مرات و هو يقول "مبارك الآتى باسم الرب اسجدوا لإنجيل يسوع المسيح"

اللي بيقرا الإنجيل بيكون قدامه البشارة أو ماسكها ... يعني ربنا اللي هيتكلم دلوقتي

أثناء قراءة الإنجيل يقف شماسان ممسكان بشمع مضئ واحد عن يمين الانجيل و الاخر عن يساره ...
الشمع لا يضاء للقارئ ولا لتبديد الظلام .. بل لإظهار الفرح و السرور بالإنجيل وقد قيل فى المزمور "سراج لرجلى كلامك ونور لسبيلى"

أثناء قراءة الإنجيل أبونا بيقول صلاة الحجاب و هو واقف قدام باب الهيكل ... و دي عبارة عن طلبات و أواشي و صلوات عشان سلام الكنيسة و كل من فيها

قانون الإيمان

بعد نهاية الإنجيل بيتقال مردّ الإنجيل حسب اليوم

بعد كده ممكن يكون فيه وعظة قصيرة أو تأمل على إنجيل اليوم

بعد كده ممكن نصلي الأواشي

بعد كده بيقف الشماس على باب الهيكل ماسك صليب و بيقول:

انصتوا بحكمة ... يا رب ارحم. يا رب ارحم. بالحقيقة ...

بعد كده بنصلّي قانون الإيمان و ده قانون اتحط في مجامع مسكونية عشان يحافظ على الإيمان المسيحي الصحيح