طقس سر مسحة المرضى

السر ده واضح جداً في حياة ربنا يسوع و آبائنا الرسل

• السامري الصالح:
  • ربنا يسوع كان يجول يصنع خيراً و يشفي المرضى
  • و ده ظهر في مثل السامري الصالح

  فتقدم وضمّد جراحاته، و صَبّ عليها زيتاً وخمراً، و أركبه على دابته، و أتى به إلى فندق و اعتنى به

• الآباء الرسل:
  • ربنا يسوع أسس سر مسحة المرضى لمّا أوصى تلاميذه: اشفوا مرضى. طهّروا برصاً (متى 10 : 8)
  • و الآباء الرسل عملوا كده بالظبط، و شفنا معجزات شفاء كتير

  وأخرجوا شياطين كثيرة، ودهنوا بزيت مرضى كثيرين فشفوهم

• الكنيسة الأولى:
  أوضح آية تمثل أركان السر كتبها القديس يعقوب:

  أمريض أحد بينكم؟ فليدعُ قسوس (شيوخ) الكنيسة فيصلّوا عليه ويدهنوه بزيت باسم الرب ، و صلاة الإيمان تشفي المريض والرب يقيمه، وإن كان قد فعل خطية تغفر له

• الشفاء الروحي:
  • الهدف الأساسي للسر .. (إن كان قد فعل خطية تُغفَر له)
  • عشان كده المفروض المريض يعترف الأول قبل سر مسحة المرضى
  • و بعد مسحة المرضى المفروض المريض يتناول
• الشفاء الجسدي:
  • مرتبط بمشيئة ربنا و حكمته من وراء هذا المرض
  • مرتبط كمان بإيمان المريض بفاعلية السر .. ربنا يسوع شفى مرضى كتير بعد ما أظهروا إيمان ثابت فيه (زي نازفة الدم)

طبعاً سر مسحة المرضى لا يتعارض إطلاقاً مع العلاج الطبي

سؤال (لماذا الألم و المرض) من الأسئلة الكبيرة في حياتنا .. نقدر نسمع أكتر في وعظة ثبات أيوب البار
ربنا عايز ينقينا من الخطايا (من تألم بالجسد كُفّ عن الخطية)
و في نفس الوقت المريض المتألم اللي سايب روح ربنا يشتغل فيه و يفهمه محبة ربنا بيسلّم أمره لربنا و بيبقى زي الشمعة المضيئة لمن حوله

• أنسب وقت للسر هو وقت الصباح .. أبونا بيكون صايم 9 ساعات (زي قبل التناول) بينما المريض بيكون صايم على قد ما يقدر
• قدام أبونا بيكون فيه ناحية الشرق ترابيزة عليها حُق البخور و طبق فيه زيت زيتون و في الزيت 7 فتايل من القطن .. أبونا بيولّع واحدة من الفتايل مع بداية كل صلاة
• السر بيتكون من 7 صلوات .. كل صلاة فيها قراءات و طلبة (زي ما موجود في الجدول تحت) و قانون الإيمان
• في الآخر أبونا بيرشم المريض بالزيت على جبهته و عنقه و يديه زي جمعة ختام الصوم .. و بيدهن الحاضرين مع المريض كمان لو صايمين و مستعدين .. بس مش صح إن حد يترشم بالزيت بعد التناول (لأن التناول هو كمال الأسرار)

أبونا في أوشية المرضى بيطلب 7 طلبات من أجل المريض تمثل 7 طرق استجابة من ربنا:

كل الانفس المتضايقة، والمقبوض عليها، أعطها يا رب رحمةَ، أعطها نياحاً، أعطها برودة، أعطها نعمة، أعطها معونة، أعطها خلاصاً، أعطها غفران خطاياها وآثامها

1. رحمة
   • أهم حاجة هي الجانب الروحي: الرحمة من الخطية (يا رب ارحم)
   • داود لمّا مات ابنه قال (ارحمني يا الله كعظيم رحمتك)
   • الشاطر يتوب و يقول: يا رب أنا خاطي و أستاهل .. ارحمني من مرض الخطية
2. راحة (نياحاً)
   شفاء .. ربنا ساعات يسمح بشفاء من المرض
3. برودة (سلام)
   حتى لو المرض استمر، ربنا يعطي سلامه الذي يفوق كل عقل
4. نعمة (بركة)
   يستمر الألم لكن زي ما ربنا قال للقديس بولس: تكفيك نعمتي لأن قوتي في الضعف تكمل
5. معونة (سَنَد)
   ربنا يبعت لك ناس حواليك يسندوك
6. خلاصاً
   • الألم يبقى و يزيد و يمكن الحياة تنتهي .. لكن ربنا يعطي السماء
   • ربنا بحكمته يختار الوقت .. المهم بالنسبة لنا نروح السماء
7. غفران خطايانا و آثامنا
   • التوبة و الاعتراف قبل مسحة المرضى
   • ده هدف السر (مغفورة لك خطاياك الأول)

• السر ده له أسماء تانية: (سر القنديل)، (سر الزيت المقدس) لأن المسيحيين الأوائل كانوا يضعون الزيت في قنديل يخرج منه سبعة قناديل تضاء كل واحدة منها في أول كل صلاة
• طبعاً لظروف المريض، مسموح إن السر يتعمل خارج الكنيسة (في البيت)
• لكن السر ده بيتعمل في الكنيسة مرة واحدة في السنة للشعب كله .. يوم جمعة ختام الصوم و بيكون اسمه (صلاة القنديل العالم)
• طقس القنديل العام زي طقس القنديل الفردي
  نقدر نشوف في الفيديو ده