تأمل

خارج المحلة

دكتور كميل متياس

الموضوع: تأمل من إنجيل القداس (لوقا 13) عن رفض الشر للخير، و إزاي ربنا بيستغل المبدأ ده لخير أعظم

وعظة خارج المحلة - قداس جمعة ختام الصوم 2019 - دكتور كميل متياس

معنى المبدأ

إنجيل القداس، بيؤسس فيه الفريسيين مبدأ لئيم:

خارج المحلة

في ذلك اليوم تقدم بعض الفريسيين قائلين له: «اخرج واذهب من ههنا، لأن هيرودس يريد أن يقتلك»

لوقا 13 : 31

كلمة (خارج المحلة) موجودة في عبرانيين 13 عن صليب ربنا يسوع لأنه اتصلب خارج أورشليم:

فلنخرج إذا إليه خارج المحلة حاملين عاره

عبرانيين 13 : 13
  • هم كان قصدهم: ابعد بعيد عننا ... أحبوا الظلمة أكثر من النور لأن أعمالهم كانت شريرة ... حاولوا يخوّفوا ربنا يسوع و يقولوا له: مالكش عيش وسطينا
  • و ده انطبق على ربنا يسوع من ميلاده:
    1. مالوش بيت يتولد فيه ... اتولد في مزود
    2. هيرودس الكبير كان عايز يقتله (عشان كده جه مصر و هو صغير)
    3. رجع من مصر على منطقة مرفوضة: الجليل (بين الأمم و اليهود) ... عشان ربنا عايز يقبل الجميع (جليل الأمم الشعب السالك في الظلمة أبصر نورا عظيما. الجالسون في أرض ظلال الموت أشرق عليهم نور)
  • احنا في أسبوع الآلام بنخرج خارج المحلة و نصلي برة الهيكل

دوام هذا المبدأ

  • المبدأ ده دايماً بيتعامل بيه الشر مع الخير: مش عايزك معايا.
  • ليه الشر بيكره الخير؟ لأن الإنسان الشرير بيحب الضلمة لأنه مش عايز النور يوبّخه ... و الشيطان عايز كده (الناس تعيش في الضلمة).
  • ما أصعب المبدأ ده لما يتعمل من القريبين (جروح الأحباء)!

تعامل ربنا مع هذا المبدأ

  • ربنا بيستغل المبدأ ده ليصنع أمراً أعظم (ربنا مابيتغلبش)
  • ربنا رد إنه هايكمل عمله طبعاً ... و رفض اليهود تحوّل لخلاص الأمم ... و آمن بيه كتير من اليهود و الأمم في أوقات المئة (زي قائد المئة اللي طعنه و جنوده)
  • و زي ما ربنا تمجّد بمبدأ خارج المحلة (رفض اليهود تحوّل لخلاص الأمم)، احنا كمان لو خرجنا خارج المحلة هانعمل انتصارات أعظم
  • زي يوسف العفيف: رفض إخواته ليه اتحوّل للخير و لخلاص العالم كله مش بس عيلته

    أنتم قصدتم لي شرا، أما الله فقصد به خيرا، لكي يفعل كما اليوم، ليحيي شعبا كثيرا

    تكوين 50 : 20

عشان نشوف ربنا لازم نخرج له خارج المحلة (جلسات هادئة و خلوات روحية خارج دوشة و زحمة الدنيا) حاملين صليبه ... القديسين عاشوا كده (زي البابا كيرلس اللي فضّل الطاحونة على مجد زيارة الملوك) ... لأننا بنشوف يسوع نفسه

  • تقدر تعمل account على الموقع من هنا و تحتفظ بالوعظة على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالوعظة دي مع بعض
  • تقدر تعمل download للوعظة على الجهاز بتاعك

كلّمنا

🤔 إيه رأيك في الوعظة دي و طريقة العرض و التلخيص؟ هل سمعت بتركيز و خرجت بدرس مفيد و تدريب حلو؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً