قصة حب

• الصوم الكبير قصة حب ... بين العريس و العروس ... ربنا لما ذكر صوم العهد الجديد قال:

  وقالوا له: «لماذا يصوم تلاميذ يوحنا كثيرا ويقدمون طلبات، وكذلك تلاميذ الفريسيين أيضا، وأما تلاميذك فيأكلون ويشربون؟» فقال لهم: «أتقدرون أن تجعلوا بني العرس يصومون ما دام العريس معهم ؟ ولكن ستأتي أيام حين يرفع العريس عنهم، فحينئذ يصومون في تلك الأيام».

• و بالتالي الموضوع مابقاش إجبار و تغصب و أكل و شرب بل تقديم محبة ... فترة محبة بيننا و بين ربنا تنتهي بتقديمه المهر و الشبكة (صليبه و قيامته)
• و بالتالي نسكيات الصوم (ساعات الصوم و الميطانيات): كل واحد بيتبارى إزاي يقدم جسده ذبيحة حسب محبته لربنا ... زي ما قال الفديس بولس:

  فأطلب إليكم أيها الإخوة برأفة الله أن تقدموا أجسادكم ذبيحة حية مقدسة مرضية عند الله، عبادتكم العقلية

• و أنواع الذبائح كتير: ذبيحة حب ... ذبيحة تسبيح ... ذبيحة إفخارستيا
• الكنيسة الأولى فهمت كده ... عشان كده نلاقي سفر أعمال الرسل مليان بالصوم

أحد الرفاع: في الخفاء

أبوك الذي يرى في الخفاء هو يجازيك علانية

• كلمة أب اتكررت 8 مرات في إنجيل الرفاع ... ده الاكتشاف اللي يخلي للصوم طعم ... اقفل بابك عشان تستوعب و تدوق ...
• ربنا باصص على صلاتك و صوم و محبتك و فرحان بيك
• كلمة السر: في الخفاء (الاعتكاف) ... علاقة خاصة بدون رياء

أحد الكنوز: أبوكم يعلم

أباكم يعلم ما تحتاجون إليه قبل أن تسألوه

• مايهمكش ولا يشغلك لبس ولا أكل ولا مستقبل ... أبوك شايف و عارف
• لو عملنا كده هانرجع ل الطفولة و البراءة بتاعة آدم و حواء (الحياة الفردوسية)
• ده تاخده فوق البيعة، المهم: اطلب ملكوت الله و بره

أحد التجربة: طبعاً ابن ربنا

إن كنت ابن الله ...

• الشيطان متغاظ و بيحاول يشكك في بنوتك لله (إن كنت ابن الله) ... بيحاول ينسينا فيضيع كل حاجة
• ثروة المسيحي: أبانا الذي (بنلحنها في الصيام عشان ندوقها أكتر)
• عشان كده لحظة المعمودية أجمل لحظة لأي موعوظ ... دي اللحظة اللي يقدر يقول فيها لربنا: يا أبويا

أحد الابن الضال: حضن الأب

وإذ كان لم يزل بعيدا رآه أبوه، فتحنن وركض ووقع على عنقه وقبله.

• الأب اللي بيجري عشان ياخد ابنه في حضنه
• ماتصدقش الشيطان اللي بيشكّك، مهما وقعت، ربنا مستنيك تتوب و فاتح حضنه ليك، انت ابنه
• و بيصور حب الأب و احتفاله بابنه: الحلة و الرداء و الخاتم و العجل ...

أحد السامرية: العريس الحقيقي

ليس لي زوج

• غير حضن الأب، فيه مأساة اسمها العريس ... تتحول هنا لأجمل شعور
• نفس بتدوّر على عريس مش لاقية ... 5 أزواج و 1 من غير زواج ... جه ربنا يسوع (رقم 7)
• تركت الجرة: أخيراً لقيتك بعد ما كنت جعانة حب و احترام و اهتمام
• حصل جواها انفجار حب (أنهار ماء حي) ... خلت البلد كلها تعرف المسيح و بقت كارزة

أحد المخلع: الصديق الحقيقي

أجابه المريض: «يا سيد، ليس لي إنسان يلقيني في البركة متى تحرك الماء. بل بينما أنا آت، ينزل قدامي آخر»

• إحساس المخلع (و كتير بيكون عندنا): ماحدش حاسس بي
• ربنا جاله من السماء إنسان عشان الجملة دي
• ربنا هو الصديق اللي بيدور عليه بقاله 38 سنة ... بعد ما ماحدش اهتم بيه طول السنين دي

أحد المولود أعمى: الولادة التانية

إنما أعلم شيئا واحدا: أني كنت أعمى والآن أبصر

• قصة كل البشر (أحد التناصير): كلنا مولودين عميان لحد ما نتولد تاني ب المعمودية اللي تجدد طبيعتنا
• كل الناس اللي في الآحاد كانوا "عاهات" عشان أي حد فينا يحط نفسه مكان الشخصية
• اليهود الفريسيين قالوا له: الراجل ده خاطي، قول كده ... قال لهم: أعلم شيئاً واحداً أني كنت أعمى و الآن أُبصر
• طردوه من المجمع و أبوه و أمه اتبرّوا منه ... ربنا قال له: أنا هو ... فسجد بالروح
• هو مافرقش معاه الناس ... ربنا هو اللي أعطاه الولادة الجديدة دي، ماحدش في الناس نفعه بحاجة

أحد السعف: موكب الزفة

والجموع الذين تقدموا والذين تبعوا كانوا يصرخون قائلين: «أوصنا لابن داود! مبارك الآتي باسم الرب! أوصنا في الأعالي!»

• العروس عمالة تقول أوصنا، ملكي المبارك الآتي باسم الرب
• زفة لحَمَل الذبيحة بتاعتنا
• الآلاف اللي مشيوا وراء ربنا في اليوم ده يمثلوا البشرية كلها (عهد قديم و جديد)

ربنا يدينا المتعة في الصيام ... قداسات و قرايات و مزامير و عمل رحمة و صلاة