المحبة في حياة بطرس الرسول

أتحبني؟

يا سمعان بن يونا، أتحبني أكثر من هؤلاء؟

• سؤال مهم من ربنا لكل واحد فينا و هو اللي بيحدد دخولنا السماء
• له إجابة من 3
  1. لأ
  2. طبعاً يا رب (زي القديس بطرس أول و تاني مرة)
  3. يا رب أنا نفسي، بس أعمالي مش بتقول كده
• القديس بطرس أنكر (مذكورة في ال4 أناجيل) لكنه بعد هذا الإنكار عاد وأصبح رسول عظيم و شهيد عظيم

الصليب (المحبة اللي فيه) له ضلعين:
الضلع الرأسي: محبة الخير (محبتي لربنا)
الضلع الأفقي: محبة الغير (محبتي للناس)

1) المعترف بالجميل

• حادثتين خلوا القديس بطرس بقى حد مشهور من التلاميذ … و كان شايل الجميل لربنا
  1. شفاء حماة بطرس من حمّى شديدة مميتة في الوقت ده … جميل كبير جداً من ربنا يسوع المعلّم المشهور إنه جه بيته و شفا حماته
  2. المسيح دخل مركبته و وعظ الناس منها و خلاه يصطاد السمك الكتير
• ربنا بيعمل معانا كتير بس إحنا بننسى و نعاتب ربنا على اللي ناقصنا!!
  • بركة ونجاح في حياتنا
  • صحة و ستر من تجارب كتير

نقدر نردّ الجميل لربنا عن طريق خدمة أولاده (ما فعلتم بأحد إخوتي الأصاغر فبي قد فعلتم): الجعان و العطشان و الغريب و العريان و المحبوس و المريض
لازم كل مسيحي يكون خادم (مش شرط مدارس الأحد لكن لازم نخدم أولاد ربنا)

2) المندفع بالعاطفة

• القديس بطرس حد مندفع و سخن بالعاطفة … قال لربنا إن أنكرك الجميع لن أنكرك، لكن بعد ساعات قليلة أنكر
• إحنا كمان كده في أسبوع الآلام بنسخن لكن بعد كده العاطفة تبرد
• خدمتنا محتاجة يكون فيها روح

العاطفة محتاجة توجيه و قرار إيجابي بدون رجعة: محبة ربنا (زي الأنبا أنطونيوس أو زكا)

3) المنكسر بالتوبة

• بعد ما أنكر، بكى بكاءً مراً … توبة حقيقية فيها ندم و انكسار و قرار بداية جديدة
• بينما إحنا ساعات بنخدع نفسنا بممارسة شكلية للفضيلة (أشباه الفضائل) من غير روح الفضيلة
• أو ساعات إحنا نتجاسر و نقول: ما الناس كلها بتعمل كده

القلب المنكسر والمتواضع لا يرذله الله … هي دي التوبة الحقيقية التي تقود للتغيير

4) المكتفي بالمسيح

• (ليس لي ذهب ولا فضة) لكن له اسم المسيح فقط => الصلوات السهمية
• كل اللي يهمه رسالته بس، عينيه على السماء طول الوقت
• علاقة خطوبة روحية

فيه شهادة بالدم و شهادة بيضاء (تقديم الحياة لربنا في جهاد روحي: صلاة حارة و مطانيات و خدمة)

ربنا يدينا نتدرّج في محبته: خدمة أولاده بروح نارية و توبة مستمرة حتى نصل إلى الاكتفاء به