لأني أنا الرب إلهك إله غيور، أفتقد ذنوب الآباء في الأبناء في الجيل الثالث و الرابع من مبغضيّ
المصدر: وعظة إله غيور (أبونا داود لمعي)
ناس كتير بتفهم الآية دي غلط و تفتكر إن معناها إن ربنا بيعاقب الأبناء من غير ذنب بسبب خطية الآباء ... و تقول ليه ربنا يعمل كده؟ و ناس تقول دي آية عهد قديم و لا تنطبق على محبة ربنا في العهد الجديد
طبعاً ربنا هو هو أمس و اليوم و إلى الأبد (إله العهد القديم هو إله العهد الجديد) ... تعالوا نركز في كلام و معنى الآية
إله غيور :
- الكلام هنا عن الوصية الأولى (لا يكون لك آلهة أخرى)
- غيور != غيرة البشر اللي فيها تملُّك بل غيرة مقدسة هدفها إصلاح أولاده ... غيور = فيه عهد بيني و بين أولادي اللي اقتنيتهم و فديتهم ... و المفروض يلتزموا به
- الأولاد دول كانوا شعب ضعيف و مرذول و مالوش وزن في شعوب العالم
الجيل الثالث و الرابع من مبغضيّ :
- ربنا طويل البال جداً: بيستنّى الجيل التالت و الرابع من الأشرار (يعني فُرَص كتيرة جداً أجيال وراء أجيال لحد ما الشر يزيد لدرجة مافيهاش رجوع و يكون لازم العقاب)
- ربنا بيرحم و يسامح كتير و لكن! لو فِضِل الإنسان مصمّم يعند و يبعد و يتذمّر، فإن ربنا إله غيور و هايعاقب بغضب إلهي مقدس (زي بني إسرائيل اللي هلكوا في القفر و مادخلوش أرض الموعد) ... طبعاً بالأكتر لينا في العهد الجديد (اللي ربنا فدانا و اقتنانا بدمه)
إحساس ربنا موجود في سفر (هوشع): خطيب و حبيب لواحدة مصرّة تخونه ... و غيرة ربنا هنا جزء لا يتجزّأ من محبته ... ربنا بيسامح و يجدّد العهد كل مرة نتوب فيها ... هدف الغيرة دي هو التوبة
توّبني يا رب فأتوب ... خلّي طول أناتك و إمهالك عليّ يقودني للتوبة مش للزيادة في الشر و الكسل ... حتى لا يأتي العقاب
ملخص السفر
التوراة
خروج
ربنا ينقذ أولاده من العبودية (بعد صراخهم و وجعهم) و يواجه فرعون الشرير و يسحقه بيد عزيزة و ذراع عالية .. عن طريق عبده موسى ب 10 ضربات و عبور معجزي في البحر و فداء بدم خروف الفصح .. بعد كده ربنا يدعو شعبه لعَهد أبدي يكونوا فيه شعبه اللي هيبارك به العالم كله.
آيات تانية فيها تعليم
نحميا 7 : 6 و 27 و 45 و 46 و 57
هؤلاء هم بنو الكورة الصاعدون من سبي المسبيين الذين سباهم نبوخذنصر ملك بابل ورجعوا إلى أورشليم ويهوذا، كل واحد إلى مدينته … رجال عناثوث … البوابون … النثينيم … بنو عبيد سليمان
متى 5 : 20
إن لم يَزِد برّكم على الكتبة والفريسيين لن تدخلوا ملكوت السماوات
تسالونيكي الأولى 1 : 3
متذكرين بلا انقطاع عمل ايمانكم و تعب محبتكم و صبر رجائكم ربنا يسوع المسيح
كلّمنا
🤔
إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً