احفظني مثل حدقة العين. بظل جناحيك استرني
يا ربي حدقة العين عضو غالي جداً و مهم و عزيز ... لكنه يا رب ضعيف و سهل إنه يتخدش و يتعوّر، عشان كده هيأت و دبّرت له إنه يكون محفوظ و في أمان من أي حاجة ممكن تؤذيه
هكذا أنا ابنك، غالي عندك و مهم ليك يا أبويا ... لكن انت عارف إني ضعيف جداً و أي حرب من إبليس ممكن تكسرني و تعميني
لكني في حضنك أنا محفوظ ... انت محاوطني برعايتك و كمان صليبك بيسترني بستر جناحيك
صليبك ماتت فيه خطيتي و انتهى فيه سلطان إبليس ... بس أنا لازم أحتمي فيك و أستخبّى في جراحك اللي هي أقوى مكان يترعب و يتحرق منه إبليس
يا يسوع ديم حفظك لي و سترك عليّ يا مالك حياتي
كلّمنا
🤔
إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً