ذيكو

# خدمة

  • يا بُنيَّ لابد لمريم أن تحتاج لمرثا، لأن بمرثا مُدِحَت مريم

القديس سلوانس الراهب
القديس سلوانس الراهب كان متواضع و حكيم جداً و كان يوصي أولاده أن يهتموا بعمل اليد مع المداومة على الصلاة و الكتاب المقدس. حصل موقف معه فيه درس عملي مهم جداً لحياتنا: جه في يوم راهب للدير و شاف الرهبان بيشتغلوا فوبّخهم و قال لهم يكونوا زي مريم (أخت لعازر) اللي لما زارهم السيد المسيح لم تهتم بالخدمة و إعداد الطعام زي أختها مرثا بل جلست عند قدميه (و ربنا طوّبها على كده و عاتب مرثا لأنها اهتمت بالخدمة على حساب القعدة معه) … ساعتها القديس سلوانس قال للرهبان: أعطوا هذا الراهب كتاباً مقدساً و دعوه في القلاية، و فعلاً وقت الطعام عدّى من غير ما الرهبان يندهوا عليه. ساعتها استغرب الراهب ده فردّ عليه القديس سلوانس (أنت رجُل روحاني لا تحتاج إلى الطعام، أما نحن فنعمل لنأكل). ساعتها انتفع الراهب بهذا الدرس و قال له القديس سلوانس هذه الحكمة.
قول في الأول يبدو غريب علينا: مش ربنا مدح مريم و أحسن حاجة بيحبها إننا نركز معه هو فقط؟ في الحقيقة طول ما إحنا عايشين في الدنيا علينا دور خدمة (سواء خدمة أولاد ربنا فقط للمكرسين أو الشغل كمان لغير المكرسين) عشان نعرف نعيش من عمل يدينا ولا نكون عالة على غيرنا … بمرثا مُدِحَت مريم لأن بدون مرثا و إعدادها و خدمتها كان مستحيل مريم تلاقي وقت و مكان تعرف تقعد فيه مع ربنا
يا رب خليني أعرف أوزن بحكمة بين وقت الخلوة و الجلوس تحت قدميك و معك فقط … و بين الخدمة أو الشغل، لأن ال2 ضرورببن جداً و واجب علينا طول ما إحنا قادرين إننا نعملهم

عن القديس

1 برموده

  1. نياحة القديس سلوانس الراهب
  2. نياحة هارون الكاهن
  3. تذكار غارة عُربان الصعيد على برية شيهيت
التفاصيل

كلّمنا

🤔 إيه رأيك في القول و التأمل و الصلاة؟ هل القول أعطاك حكمة روحية و حفظته و هتعيش بيه؟ ...
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً