حلول الروح القدس

أعمال الرسل 2

الرسل سمعوا صوت ريح شديد و حل عليهم الروح القدس على شكل ألسنة نار ... و هو هو نفس الروح القدس اللي جوايا!!

أعمال الرسل 2

ولما حضر يوم الخمسين كان الجميع معا بنفس واحدة،

وصار بغتة من السماء صوت كما من هبوب ريح عاصفة وملأ كل البيت حيث كانوا جالسين، وظهرت لهم ألسنة منقسمة كأنها من نار واستقرت على كل واحد منهم. وامتلأ الجميع من الروح القدس، وابتدأوا يتكلمون بألسنة أخرى كما أعطاهم الروح أن ينطقوا.

وكان يهود رجال أتقياء من كل أمة تحت السماء ساكنين في أورشليم. فلما صار هذا الصوت، اجتمع الجمهور وتحيروا، لأن كل واحد كان يسمعهم يتكلمون بلغته.

فوقف بطرس مع الأحد عشر ورفع صوته وقال لهم: «أيها الرجال اليهود والساكنون في أورشليم أجمعون، ليكن هذا معلوما عندكم وأصغوا إلى كلامي ... هذا ما قيل بيوئيل النبي.يقول الله: ويكون في الأيام الأخيرة أني أسكب من روحي على كل بشر ...

أيها الرجال الإسرائيليون اسمعوا هذه الأقوال: يسوع الناصري رجل قد تبرهن لكم من قبل الله بقوات وعجائب وآيات صنعها الله بيده في وسطكم، كما أنتم أيضا تعلمون هذا أخذتموه مسلما بمشورة الله المحتومة وعلمه السابق، وبأيدي أثمة صلبتموه وقتلتموه. ...

الذي أقامه الله ناقضا أوجاع الموت، إذ لم يكن ممكنا أن يمسك منه ... وإذ ارتفع بيمين الله، وأخذ موعد الروح القدس من الآب، سكب هذا الذي أنتم الآن تبصرونه وتسمعونه.

فلما سمعوا نخسوا في قلوبهم، وقالوا لبطرس ولسائر الرسل: «ماذا نصنع أيها الرجال الإخوة؟»

فقال لهم بطرس : «توبوا وليعتمد كل واحد منكم على اسم يسوع المسيح لغفران الخطايا، فتقبلوا عطية الروح القدس. لأن الموعد هو لكم ولأولادكم ولكل الذين على بعد، كل من يدعوه الرب إلهنا». وبأقوال أخر كثيرة كان يشهد لهم ويعظهم قائلا: «اخلصوا من هذا الجيل الملتوي».

فقبلوا كلامه بفرح، واعتمدوا، وانضم في ذلك اليوم نحو ثلاثة آلاف نفس.

سؤال

ليه الروح القدس عايش جوايا؟
يعني ربنا العظيم جدااااااااااً ... هيحب يعيش جوايا ليه؟؟

الإجابة

عشان يديني القوة ... إني أعيش زي ربنا يسوع


نشوف إيه؟
  • الرسل سمعوا صوت ريح شديد و حَل عليهم ألسنة نار
  • و الروح القدس جه و سكن في كل الرسل اللي كانوا متجمعين
  • و إداهم نعمة ... و مواهب مكانتش عندهم (زي إنهم يعرفوا يتكلموا عن ربنا بلغات غير لغتهم لناس ميعرفوهمش)
  • و ده كان لازم عشان يبشروا في كل الدنيا بالخلاص العظيم اللي ربنا يسوع عمله و بقيامته ... عشان الكل يخلص
  • نفس الروح القدس ده هو اللي جوانا ... هو اللي أخدناه جوانا لما اترشمنا بالميرون بعد المعمودية
  • بعد ما ربنا يسوع صعد السما، أرسل الروح القدس عشان يحلّ على التلاميذ و يبشّروا كل الناس ... ده نفس الروح اللي فينا
  • الهدية بندّيها لحد إحنا بنحبه في عيد ميلاده
  • و ربنا إدالنا أعظم هدية ... روحه القدس ... يعني هو بنفسه بيسكن جوانا و يدينا قوة عظيمة
  • طبعاً إحنا أخدناها لما اتولدنا بجد في المعمودية و الميرون
  • و إحنا بنمسك في الروح القدس أكتر و أكتر لما نختار نسمع كلام ربنا ... كده إحنا بنديله فرصة يقودنا و يشتغل فينا
  • البيت هو المكان اللي بنعيش فيه و نرتاح فيه و نحبه
  • و ربنا حب إن روحه القدوس يسكن فينا ... و نبقى زي الهيكل اللي في الكنيسة بالظبط ... و عمره ما هيسيبنا
  • إحنا الروح القدس ساكن في قلبنا ... بيطمّنا و يعزينا و يشجعنا و يقوينا
  • أنا عمري ما هاكون لوحدي ... الروح القدس دايماً فيّ و معايا و بيقويني
  • المراية لمّا بنبُص فيها بنقدر نشوف نفسنا
  • و الروح القدس مش بيغيّرنا من برة ... يعني لو بصينا مش هنلاقي شكلنا مختلف
  • الروح القدس بيغير قلبنا و ينضّفه و يقوينا من جوة

المشكلة

ساعات باحب آخد أحسن حاجة لنفسي ... يعني في اللعب و المكان و الفسحة أحب أبسط نفسي حتى على حساب أصحابي 😟

الحل

أفتكر ربنا يسوع ... اللي قال اللي عايز يبقى عظيم يبقى آخر الكل ... يعني يقدّم سعادة الناس حتى لو على حساب سعادته شوية
ده اللي الروح القدس اللي فينا بيقول لنا نعمله ... و مش بس كده، ده كمان بيدّينا قوة عشان نعمله
صلي إن الروح القدس يغيّرك 😉


صورة للتلوين

الروح القدس و هو بيحل على الرسل في يوم الخمسين

الزمن

بعد 50 يوم من القيامة

المكان

بيت مارمرقس و الهيكل

الشخصيات
  • الروح القدس
  • التلاميذ
  • اليهود في أورشليم
  • القديس بطرس
تعالى نحفظ

بقوة آيات وعجائب، بقوة روح الله (رومية 15 : 19)

تعالى نصلّي

يا رب ... أشكرك إنك إديتني الروح القدس يملاني و يسكن قلبي ... أعظم هدية ... إديني القوة أعيش زي ربنا يسوع

تعالى نفتكر

نفس الروح القدس اللي حل على الرسل و إداهم قوة عظيمة ... هو اللي حل فينا ... و إننا ممكن نديله فرصة يقود حياتنا كلها و يخلينا شبه ربنا يسوع

المصدر:

Bible App for Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

من شاول لبولس
أعمال الرسل 9: 1 ل 22

شاول الطرسوسي اللي كان بيضطهد الكنيسة ... ربنا يسوع ظهر له بمعجزة فأصبح بولس رسول المسيحية العظيم

كورنيليوس قائد المئة
أعمال الرسل 10

ربنا بيقبل الناس اللي تؤمن به ... أياً كان الماضي بتاعها أو هي من أنهي حتة ... و أعلن كده بطريقة واضحة لبطرس الرسول

بولس في الطريق لروما
أعمال الرسل 27 و 28

بولس الرسول كان رسول عظيم جداً ... اتقبض عليه ظلم و اتحبس ... لكن فضل يبشّر الناس بربنا برضه!!

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً