الكاثوليكون

يوحنا التالتة

اقبل الآخرين في المسيح

هل أنا في خدمتي مش عايز حد غيري يبان و بارفض الكل و أحتقرهم؟ ولا أحسن ضيافتهم و أساعدهم في خدمتهم و شهادتهم لربنا؟

  • عدد الإصحاحات: 1

  • السفر موجّه لمين؟

    غايس (اسم يوناني معناه: فرحان) كان عضو في الكنيسة اللي القديس يوحنا كان عايز يبعت لها الرسالة ... مش معروف تفاصيل عنه أو عن مكان كنيسته


  • ظروف الكتابة:
    • كاتب الرسالة هو القديس يوحنا الحبيب (ابن زبدي) في أواخر القرن الأول الميلادي
    • في الوقت ده كان العادي إن يكون فيه رحلات تبشيرية من الكنايس الكبيرة المركزية (زي كنيسة أفسس) لكنايس تانية صغيرة عشان تكرز بربنا يسوع
    • كان مهم إن الكنيسة في المكان اللي الكارزين رايحينه تقبلهم و تستضيفهم عشان الإمكانيات المادية لكل الكنايس كانت ضعيفة ... و عشان الفنادق في أماكن كتير كانت مشهورة بممارسات خاطئة
    • قائد أحد الكنايس كان اسمه ديوتريفس ... مكانش بيقبل الكارزين دول اللي جايين من طرف القديس يوحنا

  • هدف السفر:

    التشجيع على إضافة الغرباء و خصوصاً اللي بيكرزوا باسم ربنا يسوع من كنائس أو أماكن تانية

آية 1 ل 5 تحية من القديس يوحنا لغايس اللي لما رجع الكارزين شهدوا له بكَرَم ضيافته ليهم ... و مع التحية صلاة جميلة جداً

أيها الحبيب، في كل شيء أروم أن تكون ناجحاً و صحيحاً، كما أن نَفسَك ناجحة

يوحنا التالتة 1 : 3

آية 5 ل 8 وصية بضيافة الغرباء ... غايس اشتَرَك مع الكارزين في خدمتهم بمساعدته ليهم ... و القديس يوحنا بيقول إن دي حاجة مهمة و جميلة جداً

لأنهم من أجل اسمه خرجوا، و هم لا يأخذون شيئا من الأمم. فنحن ينبغي لنا أن نقبل أمثال هؤلاء، لكي نكون عاملين معهم بالحق.

يوحنا التالتة 1 : 7 و 8

آية 9 ل 12 تحذير من القيادة المتكبّرة ... ديوتريفس القائد اللي بكبرياء كان بيرفض الكارزين، بل بيتطاول على القديس يوحنا اللي أرسلهم ... لأنه متكبّر و عايز يكون الأول في نظر الناس

كتبت إلى الكنيسة، و لكن ديوتريفس -الذي يحب أن يكون الأول بينهم- لا يقبلنا. من أجل ذلك، إذا جئت فسأذكّره بأعماله التي يعملها، هاذراً علينا بأقوال خبيثة. و إذ هو غير مكتفِ بهذه، لا يَقبَل الإخوة، و يمنع أيضا الذين يريدون، و يطردهم من الكنيسة.

يوحنا التالتة 1 : 9 و 10

آية 13 ل 15 تحية ختامية ... في انتظار لقاء قريب

  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة الصفحة دي؟ هل سهّل عليك إنك تتابع السفر و تفهمه و تفتكر ملخّصه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً