اتنين البسخة 2019

الرياء .vs الثمر


تأمل من إنجيل البسخة (شجرة التين) عن الاختيار بين الرياء و الثمر الحقيقي، و إزاي نأتي بثمر حقيقي


وعظة الرياء .vs الثمر (عن حتمية اختيار الإنسان لطريق ربنا بجد يدون رياء) من بسخة يوم الاثنين بكنيسة العدرا الدقي 2019 لدكتور نبيل نصري


#قراءة:
#استماع:

حتمية الاختيار

  • كم مرة أردت أن أجمع بنيكي ... فلم تريدوا ... ساعات إرادتنا بتبقى عكس إرادة ربنا

  • ربنا أعطانا الحرية من البداية (الوصية لآدم و حواء) ... نفس الحرية بانت عند الصليب: المسيح أم باراباس

الاختيار مسئولية اجبارية

كل واحد عنده اختيار ... اختيار حياة ... و هيتحاسب عليه ... الحرية اختيار و مسئولية

  • فيه ناس بتختار صح (موسى – يشوع – راعوث – مريم أخت لعازر) ... لكن فيه ناس كتير بتختار غلط

  • ساعات نحب نمسك العصاية من النص (نبقى في الكنيسة غير البيت غير الشغل غير الشارع ...) لكن طبعاً ده مش صح

  • إحنا بنقول أقدّم لك يا رب مشورات حريّتي ... لتكن مشيئتك ... هل بنعمل كده؟

  • طريق المسيح = الطريق الضيق اللي فيه الصليب ... لكن آخره فرح

المظهر لا يكفي

إيه مقاييسنا للاختيار؟ هل كفاية نيجي الكنيسة و نكون ذوق و لُطفاء؟ شكل بس ولا فيه مضمون؟ صليب ذهب بفصوص جميلة؟ ولا صليب تقيل يتشال على الكتف؟ الحقيقة من مثل العذارى بنشوف إن الشكل مش كفاية

  • الطريقة الصح للاختيار: ماذا سيفعل السيد المسيح لو كان مكاني؟ و أعمل كده ... عايزين ثمر عشان مانبقاش زي شجرة التين

  • الكنايس اللي بتتضرب و الشهداء اللي بيموتوا ... عادة بيكونوا غلابى بمقاييس الدنيا ... اختار الله الفقراء و المزدرى لأنهم أغنياء في الإيمان و ماسكين في ربنا

الرياء أم الثمر

ربنا لم يلعن على الأرض إلا شجرة التين ... و الويلات للكتبة و الفريسيين ... عشان نفس السبب (الرياء) ... ورق حلو و منظر حلو بدون ثمر

إيه هو الثمر؟
  1. ثمر الروح: محبة – فرح – سلام – طول أناة – لطف – صلاح – إيمان – وداعة – تعفف
  2. المحبة بتاعة كورنثوس الأولى 13
الثمر ليه 3 فوايد
  1. الناس هاتحب سكة الملكوت لما تشوف الإنسان المثمر
  2. الثمر مقياس التوبة (اصنعوا أثماراً تليق بالتوبة)
  3. نمجد به ربنا

مكان من 2

الغصن مالوش غير مكانين: ثابت على الشجرة ... أو ملقى في النار


كيف نأتي بثمر؟

  • نكون مغروسين في بيت الرب (عايش الكنيسة صح مش منظر بس)

  • نكون مغروسين على مجاري المياه : نتملي من الكتاب المقدس ... كلمة ربنا اللي بتنقّينا و تنضّفنا

  • نكون مزروعين في الأرض الجيدة : لازم الكلام اللي بنسمعه أو بنقراه مايطيرش مننا، بل نثمر فعلاً ... الهدف مش إننا نسمع و ننبسط (شعر أشواق جميل الصوت) ... لازم نعمل

  • يموت فينا الإنسان العتيق : لازم الإنسان العتيق يتصلب و يموت ... مانبقاش عايشين زي بقية الدنيا تحرّكنا زي ما هي عايزة

  • نحتمل التهذيب و التشذيب (التجارب للتنقية ... لازم نحتملها)

  • نثبت في الكرم : امسك في المسيح بإيديك و سنانك

  • الصبر (يثمرون بالصبر) ... صلي و اصبر و انتظر الرب

احنا عندنا اختيار لحياتنا و عليه هاتتحدد حياتنا كلها ... لازم نختار المسيح لنحيا ... و الاختيار ده يؤكده الثمر اللي هي دليل الحياة ... تتحد إرادتي مع إرادة ربنا فيأتي الثمر


عجبتك الوعظة؟


  • تقدر تعمل account على الموقع من هنا و تحتفظ بالوعظة على صفحتك في ال favourites
  • تقدر تعمل share للصفحة دي مع أصحابك و كنيستك عشان نسمع و نستفيد بالوعظة دي مع بعض
  • تقدر تعمل download لكلام الوعظة على الجهاز بتاعك

نرحب جداً بكل الوعظات سواء اللي متسجلة لخدام في الكنيسة أو أي وعظة انت سمعتها و حابب تشاركها مع إخواتك ... لو سمعت وعظة حلوة تفيد الشمامسة من أي مرحلة عمرية ابعت لنا