درس كتاب

مثل العذارى

أبونا أنجيلوس بباوي

الموضوع: كلمة عن (مثل العذارى الحكيمات و الجاهلات) .. كيف نسهر و نستعد للقاء السيد المسيح

كلمة عن مثل العذارى الحكيمات و الجاهلات - نهضة العدرا 2019 - أبونا أنجيلوس بباوي

المثل بيتكلم عن 10 عذارى ... لكن لما نقول العذراء: نقصد طبعاً أمنا العدرا مريم
العذراء الحكيمة .. العذراء قبل و بعد الولادة (الدائمة البتولية .. زي ما بنقول في لحن أومونوجينيس)
تعالوا نشوف مثل العذارى الحكيمات و الجاهلات من خلال 4 نقاط


المثل من الكتاب المقدس

حينئذ يشبه ملكوت السماوات عشر عذارى ، أخذن مصابيحهن وخرجن للقاء العريس. وكان خمس منهن حكيمات، وخمس جاهلات. أما الجاهلات فأخذن مصابيحهن ولم يأخذن معهن زيتاً، وأما الحكيمات فأخذن زيتاً في آنيتهن مع مصابيحهن.
وفيما أبطأ العريس نعسن جميعهن ونمن.
ففي نصف الليل صار صراخ: هوذا العريس مقبل، فاخرجن للقائه!
فقامت جميع أولئك العذارى وأصلحن مصابيحهن. فقالت الجاهلات للحكيمات: أعطيننا من زيتكن فإن مصابيحنا تنطفئ. فأجابت الحكيمات قائلات: لعله لا يكفي لنا ولكن، بل اذهبن إلى الباعة وابتعن لكن. وفيما هن ذاهبات ليبتعن جاء العريس، والمستعدات دخلن معه إلى العرس، وأغلق الباب. أخيرا جاءت بقية العذارى أيضا قائلات: يا سيد، يا سيد، افتح لنا! فأجاب وقال: الحق أقول لكن: إني ما أعرفكن.
فاسهروا إذا لأنكم لا تعرفون اليوم ولا الساعة التي يأتي فيها ابن الإنسان.

متى 25 : 1 ل 13

صورة بهية

عشر عذارى

  • كلّهم عذارى ... كلّهم حلوبن ... رمز للبشرية اللي عملها ربنا في صورة رائعة على صورته و مثاله
    ربنا صانع الخيرات ... عمل كل إنسان حلو
  • زي الأطفال كده: قلب نقي ... مابيعرفوش يزعلوا أو يخاصموا
  • الصورة دي للأسف اتشوّهت بالخطية: ... عرف آدم و حواء أنهما عريانان (طيب ما هم كده من الأول و مكانش فيه مشكلة ... الخطية اللي عملت المشكلة)

    من أعلمك أنك عريان؟ هل أكلت من الشجرة التي أوصيتك ألا تأكل منها

    تكوين 3 : 11
  • في طقس المعمودية، في جحد الشيطان بنخلع عن الطفل ملابسه ... زي العار اللي حصل لنا بالخطية (عار الشعوب الخطية)

  • كل شيء طاهر للطاهرين ... الإنسان اللي قلبه نقي بيشوف كل حاجة حلوة

    زي ما أبونا قال لواحد: الاجتماع من الساعة 6 ل 9
    واحد قال له: يعني بتصلّوا السادسة و التاسعة و بينهم الاجتماع؟
    التاني قال: 6 ل 9 زي السينمات كده؟


حقيقة حتمية

نعسن كلهن و نمن

  • النوم / الرقاد ... لغة ربنا و كنيسة العهد الجديد عن الموت .. زي ما بنقول في أوشية الراقدين
  • دي ماتِقلِقش ... اللي يِقلِق بعد كده

    وُضع للناس أن يموتوا مرة ثم بعد ذلك الدينونة

    عبرانيين 9 : 27

لقاء المسيّا

صار صراخ: هوذا العريس قد أقبل، فقمن و اخرجن للقائه

  • الديّان العادل الذي يعطي كل واحد كحسب أعماله ... فاحص القلوب و الكلى
  • وقتها مافيش غير الأعمال الصالحة اللي هاتنفعنا ... يا ترى إحنا قلبنا فين؟
  • زي الشاب الغني:
    • الشكل من برة رائع
    • لكن ربنا قال له لماذا تدعوني (الصالح) ... بالتعريف يعني لقب ربنا ... هل ده إيمان ولا كلام و خلاص؟
    • ربنا عارف اللي جواه ... هو طلب الحياة الأبدية، ربنا فهم إنه عايز الكنز ... كلّمه بلغته و قال له على الكنز الحقيقي

وصية إلهيّة

اسهروا

آية مخيفة

فاستعد للقاء إلهك يا إسرائيل

عاموس 4 : 12
  • ربنا يسوع نفسه ليلة الصليب، سهر و صلّى 3 مرات في بستان جسثيماني ... و الكنيسة اتعلّمت الحركة دي و رتّبت 3 خدمات في صلاة نصف الليل
  • هي وصية واحدة ... التوبة و الاستعداد

قبورنا تُبنَى قبل أن تُبنا ... يا ليتنا تُبنا قبل أن تُبنَى


ربنا يدينا نسهر و نستعد زي العذارى الحكيمات للقاء المسيّا .. نسهر عشان نتمتع بالأبدية ... نسهر و ننفّذ الوصية ... نسهر و نبعد عن أي خطية

  • تقدر تعمل account على الموقع من هنا و تحتفظ بالوعظة على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالوعظة دي مع بعض
  • تقدر تعمل download للوعظة على الجهاز بتاعك

كلّمنا

🤔 إيه رأيك في الوعظة دي و طريقة العرض و التلخيص؟ هل سمعت بتركيز و خرجت بدرس مفيد و تدريب حلو؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً