# توبة

أفلا أشفق أنا على نينوى المدينة العظيمة التي يوجد فيها أكثر من اثنتي عشرة ربوة من الناس الذين لا يعرفون يمينهم من شمالهم، وبهائم كثيرة؟


خدام مدرسة مار إفرام السرياني

ما أحلاك يا إلهنا الصالح! انت تشفق على خليقتك كلها ... يصعب عليك جداً يا إلهنا مش بس هلاك الناس، ده حتى البهائم كمان! مفيش أحنّ منك يا رب

كتير يا ربي أبقى زي يونان: أزعل جداً على حاجات بسيطة ضاعت مني أو تلفت ... و أنسى (أو أتناسى) ضياع البشر اللي على صورتك و مثالك
و كتير أفرح جداً بحاجات تافهة لكنها مريّحاني أنا و باسطاني أنا ... لكن مش فارق معايا اخواتي عرفوك ولا لأ ... مش مصدر فرحي لما أشوف الناس تجري عليك و انت تقبلها بمحبتك

انت يا رب بتِتِغلب من تحننك لأنك تريد أن الكل يخلصون و إلى معرفة الحق يقبلون

إديني يا رب تبقى عندي مشاعرك دي: أشفق على الكل و أترائف على الكل ... زي ما رحمتني يا رب و صبرت عليّ عشان تخلّص نفسي

في كل مرة أصلي صلاة الشكر و أنا باقول: 'أشفقت علينا'، إديني أتذكر كل معاملاتك معايا و حنّيّتك عليّ


ملخص السفر

الأنبياء الصغار

يونان

سفر رائع في تفهيمنا قد إيه ربنا لا يشاء أن يهلك الخاطي بل أن يرجع و يحيا ... الله اللي بتوبة حقيقية يغفر خطايا سنين كتير و يرحم و يصفح ... و يواجه كل واحد فينا: هل الصفة دي في ربنا كويسة بالنسبة لك ... لو معناها رحمة لعدوّك؟

أفلا أُشفق؟
262271156
التفاصيل

كلّمنا

🤔 إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً