# وصية

لاحظ نفسك والتعليم وداوم على ذلك، لأنك إذا فعلت هذا، تخلّص نفسك والذين يسمعونك أيضاً


خدام مدرسة مار إفرام السرياني
وصية عظيمة و مهمة جداً و غالية من بولس الرسول لتلميذه تيموثاوس و لكل واحد فينا:
  • لاحظ نفسك و التعليم: الوعي بالتعليم اللي أمشي عليه ... التدقيق في التعليم و مصادره، مش كل حاجة أعتبرها مؤكَدة و لها مصداقية. لازم أفكر: هل التعليم ده يوافق الكتاب المقدس؟ يوافق عقيدتي و إيماني و آباء كنيستي و تعاليمهم؟

  • داوم على ذلك: آبائنا الرسل لغاية وقتنا ده بنلقّبهم 'تلاميذ ربنا يسوع المسيح' ... هم قديسين و معلّمين لينا كلنا و مقامهم عالي جداً لكن أكيد ده أجمل و أحلى لقب ليهم

  • تخلّص نفسك و الذين يسمعونك أيضاً: لأن التعلم من كلمة الحياة = الخلاص، لأن كلمة ربنا تنقّي القلب و الإنسان كله و تغلب حيل الشيطان، زي ما قال السيد المسيح إن كلامه روح و حياة

يا ترى أنا أداوم على التعليم، ولا أكتفي بكلمتين عرفتهم و خلاص؟ كلمة ربنا واسعة جداً و ليس لها نهاية، لازم كلنا نداوم عليها و نتعلم منها كل يوم. المزمور الأول بيطوّب الرجل الذي يلهج في ناموس الرب نهاراً و ليلاً، لأن ده سبب الثمر اللي عنده
إديني يا ربي أتتلمذ على كلمتك و كنيستك كل يوم بفرح و مواظبة

علمني يا رب فأتعلم أن أحب وصاياك و ألهج فيها، و كمان أفرّح فيها الآخرين


ملخص السفر

البولس

تيموثاوس الأولى

لازم نعيش في حياتنا و معاملاتنا حسب إيماننا و تعليم ربنا لينا ... عشان نكون ملح الأرض و نور العالم، عشان يرى الناس أعمالنا الصالحة فيمجّدوا أبانا الذي في السماوات .. و الكنيسة لازم تعليمها يكون نقي و إيمانها سليم و على وصايا السيد المسيح

حياة و تعليم الكنيسة شهادة للمسيح
12204
التفاصيل

كلّمنا

🤔 إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً