# خدمة

ولكن ما هذا لمثل هؤلاء؟


خدام مدرسة مار إفرام السرياني

سؤال استنكاري قاله القديس أندراوس لما لقى غلام معاه 5 أرغفة و سمكتين (في معجزة إشباع الجموع) ... ما هذا لمثل هؤلاء؟ دول 5 آلاف رجل ما عدا النساء و الأطفال .. و اللي معانا قليل جداً

صحيح .. بالعقل كده ماينفعش .. مش ممكن .. مستحيل!!

  • إمكانياتي قليلة
  • مواهبي تكاد تكون معدومة
  • صحتي على قدي
  • شكلي مش أجمل حاجة
  • ذكائي محدود
  • تحصيلي ضعيف
و حجج كتير جداً ممكن تعطّلنا عن خدمة الآخرين المحتاجين ... طب و الحل؟

أحط اللي عندي في إيدين يسوع القادر القدير ... بس أتعب شوية لأن لي دور (اجعلوا الناس يتّكئون)

ريّح الناس .. طمّنهم .. اتعب من أجلهم و حُط القليل اللي معاك تحت تصرّف رب المجد يسوع .. و بإيمان و ثقة، إعمل اللي يقول لك عليه عملاً بوصية أمه القديسة مريم (مهما قال لكم فافعلوه) .. و بعد كده هو قادر يسدّ كل حاجة ناقصة عندك

يا رب بَرَكتك بتكفي و زيادة .. إدّيني الإيمان ده

تأملات تانية عن الخدمة

صموئيل الأول 17 : 34 و 35

كان عبدك يرعى لأبيه غنما، فجاء أسد مع دب وأخذ شاة من القطيع، فخرجت وراءه وقتلته وأنقذتها من فيه

يشوع 1 : 5

لا يقف إنسان في وجهك كل أيام حياتك. كما كنت مع موسى أكون معك. لا أهملك ولا أتركك

يوحنا التالتة 1 : 9 و 10

كتبتُ إلى الكنيسة، و لكن ديوتريفس -الذي يحب أن يكون الأول بينهم- لا يقبلنا. من أجل ذلك، إذا جِئتُ فسأذكّره بأعماله التي يعملها


كلّمنا

🤔 إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً