# رجاء

عَمِلَت ما عندها. قد سَبقَت و دهنَت بالطيب جسدي للتَكفين


خدام مدرسة مار إفرام السرياني

المصدر: وعظة عَمِلَت ما عندها (أبونا داود لمعي)

الكلام ده قاله ربنا يسوع على ساكبة الطيب لمّا الناس تذمّرت إنها سكبت طيب بمبلغ ضخم جداً (مرتب عامل في سنة كاملة) على راس السيد المسيح ... ربنا قال إنها عملت ما عندها

إحنا كمان دور كل واحد فينا إنه يعمل ما عنده ... نشتغل بنشاط و اجتهاد ... و بإرادة قوية و أمانة مش بكسل

  • اعمل اللي تعرف تعمله : شوف موهبتك إيه و اخدم بيها ... أو اتعلّم حاجة تخدم بيها
  • اعمل اللي تحب تعمله : الخدمة اللي قلبك حاببها و عندك موهبة فيها
  • اعمل اللي تقدر تعمله : خلّيك واقعي و شوف تقدر تعمل إيه ... ربنا بيطلب من كل واحد على قد وزناته (مثل الأَمناء) حسب الموهبة المعطاة له ... لا ترتئي فوق ما ينبغي (ماتقيسش نفسك بقديسين أعلى منك بكتير) لكن كُن أمين على قد ما تقدر ... الناس عند قبر لعازر رفعت الحجر (ده اللي قدرت تعمله)
  • اعمل اللي الناس محتاجاه : يعني حاجة مفيدة في خلاص الناس عشان يبقى ليها فايدة عند ربنا ... اختار الفعل المناسب لسَدّ الاحتياج الموجود

يا رب علّمني ماقارنش نفسي بحَد و أعمل اللي أقدر عليه، كل واحد في الكنيسة له دور بيكمّل غيره (أعضاء في جسد واحد) ... و ربنا بيبارك في القليل اللي عندنا لأنه بينظر لأمانة كل واحد حسب إمكانياته و وزناته (أمين في القليل ولا لأ؟)

خليني ماركّزش بس على النتايج أو الإنجازات (ربنا طوّب ذات الفلسين اللي أكيد مادياً مافرقوش)

فهّمني يارب معنى (الفقراء معكم في كل حين) ... لو مش عارف أسكب طيب كثير الثمن (عبادة على هذا المستوى من الحب ....) أعوّض بعمل الرحمة على الفقراء


كلّمنا

🤔 إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً