ذيكو
فجاء إليه جموع كثيرة، معهم عرج وعمي وخرس وشل وآخرون كثيرون، وطرحوهم عند قدمي يسوع. فشفاهم
أنا باجي إليك يا ربي يسوع بعجز شديد و حالتي صعبة: الخطايا الكتيرة و التهاون سبّبت أمراض صعبة .. مش عارف أجيلك .. مش قادر أتكلم معاك ولا أسمعك ... طب و الحل؟؟
طرحوهم .. أنا باطرح نفسي يا يسوع قدامك، معترف باحتياجي و عجزي و قلة حيلتي ... فين؟
عند قدمي يسوع : أجمل مكان قدمك اللي سعت لي و كانت تجول تصنع الخير ... قدمك اللي اتسمّرت على الصليب لأجلي ... قدمك اللي جلست عندها مريم و اختارت النصيب الصالح .. قدمك اللي بكت عندها المرأة اللي أحبّتك كثيراً فغفرت لها كثيراً
باطرح نفسي بعجزها و مرضها يا إلهي عند قدميك معترفاً بخطاياي و عارف إنّك مش بتخذل أبداً أي محتاج طالب معونتك و شفائك
علّمني يا رب إني باتضاع أضع كل عيوبي قدامك عند قدميك ... لأن طول ما عندي كبرياء مش هاشوف مرضي و احتياجي
و النتيجة: شفاهم .. اشفيني يا إلهي من أمراض جسدي و نفسي و روحي
ملخص السفر
الأناجيل
متى
القديس متى كتب إنجيله عشان يوضّح إن يسوع هو المسيح (اللي ربنا وعد به إبراهيم) و هو الملك السماوي (اللي من نسل داود) و هو مشرّع عهد جديد (زي موسى في العهد القديم) بل كمان هو عمانوئيل (الله الظاهر في الجسد) اللي فيه تحقيق كل النبوات و جه عشان يخلّصنا من خلال صليبه وقيامته
آيات تانية فيها رجاء
# رجاء
إشعياء 44 : 21 و 22
يا إسرائيل لا تُنسي مني. قد محوت كغيم ذنوبك وكسحابة خطاياك. ارجع إلي لأني فديتك
# رجاء
ميخا 7 : 8
لا تشمتي بي يا عدوتي، إذا سقطت أقوم. إذا جلست في الظلمة فالرب نور لي
# رجاء
مزامير 91 :14 و 15
لأنه تعلق بي أنجيه . أرفعه لأنه عرف اسمي. يدعوني فأستجيب له، معه أنا في الضيق، أنقذه وأمجده
كلّمنا
🤔
إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً