مرقس

• يبدأ الإنجيل بخدمة يوحنا المعمدان السابق لمجيء المسيح (زي نبوة ملاخي و إشعياء)
• بعد كده معمودية السيد المسيح و ظهور ال3 أقانيم (عيد الغطاس) … و صومه 40 يوماً و التجربة على الجبل
• بعد كده بداية خدمة السيد المسيح في الجليل برسالة: قد اقترب منكم ملكوت الله
• بعد كده دعوة التلاميذ (أولاً بطرس وأندراوس ويعقوب ويوحنا ثم متى)
• ثم مجموعة من المعجزات مع تركيز على ردود أفعال الناس عليها

القديس مرقس قدّم لنا قوة الصلاة و الخلوة:
"وفي الصبح باكراً جداً قام وخرج ومضى إلى موضع خلاء، وكان يصلي هناك" (مرقس 1 : 35)

ربنا ينظر لاحتياجاتنا مش رغباتنا:
"فلما رأى يسوع إيمانهم، قال للمفلوج: «يا بني، مغفورة لك خطاياك»" (مرقس 2 : 5)

سلامة الخدمة أهم من الخدمة: الخدمة عشان خلاص الناس، مش الناس عشان ترتيب الخدمة … ده الدرس اللي حاول ربنا يسوع يعلّمه للكتبة والفريسيين اللي متمسكين بحرف تقليد الآباء على حساب عمل الخير و الرحمة على الناس
"ثم قال لهم: «هل يحل في السبت فعل الخير أو فعل الشر؟ تخليص نفس أو قتل؟» فسكتوا. فنظر حوله إليهم بغضب، حزيناً على غلاظة قلوبهم" (مرقس 3 : 4 و 5)

إيمان عظيم عند نازفة الدم نقرأ عنه في إصحاح 5
"فللوقت التفت يسوع بين الجمع شاعراً في نفسه بالقوة التي خرجَت منه، وقال: «من لمس ثيابي؟»" (مرقس 5 : 30)

في إصحاح 7 تعليم مهم جداً عن عدم نسيان وصايا ربنا و طاعته وسط وصايا الناس و عادات المجتمع
"لأنكم تركتم وصية الله وتتمسكون بتقليد الناس" (مرقس 7 : 8)

مثل الزارع: نقدر نسمع أكثر في العظة دي

مثل حبة الخردل: نقدر نشوف أكتر في الكارتون ده

• الناس كانت فاكرة ربنا يسوع هو يوحنا المعمدان أو إيليا أو واحد من الأنبياء
• رد بطرس بمنتهى الوضوح: أنت المسيح
• لكن واضح إن بطرس (و أكيد باقي التلاميذ) كان فاكر ربنا يسوع ملك حربي يحرر إسرائيل من الرومان، عشان كده لمّا ربنا تكلم عن الصليب انتهره بطرس
• لكن ربنا يسوع انتهر بطرس و رده كان واضح و صادم للتلاميذ: تبعيتي معناها صليب و إنكار الذات

من أراد أن يأتي ورائي فلينكر نفسه ويحمل صليبه ويتبعني. فإن من أراد أن يخلّص نفسه يهلكها، ومن يهلك نفسه من أجلي ومن أجل الإنجيل فهو يخلّصها. (مرقس 8 : 34 و 35)

• تجلي السيد المسيح مع موسى و إيليا زي ما نشوف في الكارتون ده
• بعد كده شفاء الغلام اللي به روح نجس … و السر في الإيمان زي ما نقرأ في التأمل ده
• بعد كده ربنا كلم تلاميذه برضه عن موته و قيامته … و كانوا لسة مش مستوعبين
• بل كانوا بعدها يتباحثون عن من الأعظم … و ربنا فهمهم الدرس زي ما نسمع في العظة دي

• الزواج والطلاق: الطلاق مش مسموح به عند ربنا يسوع لأن ما جمعه الله لا يفرقه الإنسان
• قبول ملكوت السماوات مثل الأطفال … زي ما نقرأ في الآية دي
• الشاب الغني: عدم الاتكال على المال بل على الله
• بعد كده ربنا كلم تلاميذه برضه عن موته و قيامته … و كانوا خايفين لأنهم في الطريق إلى أورشليم حيث سيحدث كل هذا
• شفاء بارتيماوس الأعمى (عند أريحا): الذي صرخ بلجاجة طالباً الرحمة و الشفاء من ربنا يسوع

  يا ابن داود، ارحمني! (مرقس 10 : 48)

• يوم الأحد:
  • دخول السيد المسيح أورشليم، زي ما نشوف في الكارتون ده
• يوم الإثنين:
  • لعن شجرة التين
  • تطهير الهيكل
• يوم الثلاثاء:
  • سؤال الكتبة و الفريسيين عن سلطان يسوع
  • مَثَل الكرّامين الأردياء
  • سؤال سياسي من الكتبة و الهيرودسيين: هل يجوز أن تعطى الجزية لقيصر؟ والإجابة المشهورة الحكيمة من ربنا: أعطوا ما لقيصر لقيصر و ما للّه للّه
  • سؤال ديني من الصدوقيين: عن القيامة من الأموات
  • سؤال عن الوصية العظمى، و إجابة ربنا يسوع: تحب الرب إلهك من كل قلبك و نفسك و فكرك و قدرتك … و الثانية مثلها: تحب قريبك كنفسك
  • فلسا الأرملة زي ما نشوف في الكارتون ده
  • علامات سقوط أورشليم ونهاية الأزمنة … و وصية السيد المسيح بالصلاة و السهر
• يوم الأربعاء:
  • سكب الطيب على رأس المسيح في بيت عنيا … و ربنا طوّب ساكبة الطيب زي ما نقرأ هنا
  • خيانة يهوذا و اتفاقه مع رؤساء الكهنة على تسليم المسيح … نقدر نسمع وعظة (بين ساكبة الطيب و التلميذ الخائن)
• يوم الخميس:
  • الإعداد للفصح في علية مارمرقس، زي ما ربنا أوصى بطرس و يوحنا و أعطاهما علامة عن مارمرقس زي ما نقرأ هنا
  • العشاء الأخير و تأسيس الإفخارستيا
  • صلاة السيد المسيح في بستان جثسيماني
  • القبض على السيد المسيح: دخل الشيطان قلب يهوذا و سلّم معلّمه بقبلة خائنة
  • إنكار بطرس و بداية عذابات السيد المسيح
• يوم الجمعة:
  • محاكمة السيد المسيح أمام المجمع اليهودي
  • محاكمة السيد المسيح أمام بيلاطس
  • جلد السيد المسيح
  • صلب السيد المسيح ثم موته بالجسد زي ما نشوف في الكارتون ده
  • إيمان قائد المئة
  • دفن السيد المسيح

نقدر نعرف أكتر في معلومة أسبوع الآلام

• قيامة السيد المسيح زي ما نشوف في الكرتون ده
• ظهوره للمريمات - مريم المجدلية - تلميذي عمواس - التلاميذ كلهم
• الصعود