ذيكو
اذهبا إلى المدينة، فيلاقيكما إنسان حامل جرّة ماء. اتبعاه.
المصدر: وعظة (حامل جرّة ماء .. اتبعاه) (أبونا داود لمعي)
ده كلام ربنا يسوع لبطرس و يوحنا يوم خميس العهد ... عشان يعدّوا الفصح: يروحوا أورشليم و يلاقوا مارمرقس و يعدّوا الفصح في بيته
جرّة الماء
دي اللي غسل بيها ربنا يسوع رجلين التلاميذ قبل الإفخارستيا ... و طبعاً الماء العذب في الكتاب المقدس إشارة للمعمودية و التوبة ...
إرادة ربنا هي تبعية من يحمل الماء (الماء الحي) ... يعني الممتلئ بالروح القدس ... ربنا هو ينبوع الماء الحي، و تلاميذه و رسله هم الأنهار اللي طالعة منه و بتسقي الدنيا من التعليم المستقيم
طيب إيه صفات مارمرقس الرسول عشان نتبعه؟
- الخفاء ... مارمرقس كان إنسان خجول و صامت و مش بتاع بهرجة ... كنيستنا و ربنا يحبّوا الخفاء ده و كل القديسين عندهم الحتة دي
- التواضع ... عنده إحساس حقيقي بالتواضع و عدم الاستحقاق ... كان فارش المكان للسيد المسيح و نفسه ربنا يجيله بس يمكن خجلان يعرض عليه
- المحبة ... في بداية خدمته كان مش قادر يتحمّل مشقّات الخدمة ... لكن بيحمل كمية حب غير عادية خلّته بعد كده يتحمّل كل العذابات و الاضطهادات
- الأمانة ... شايل جرّة ماء عذب ... رمز التعليم المستقيم
-
التعب
...
حمل جرّة الماء دي عملية مرهقة جداً ... يعني مارمرقس مستعد يتعب عشان يريّح غيره
كمان العلية كانت (كبيرة مفروشة) ... يعني مارمرقس تعب عشان يريّح ربنا
يا رب نمشي ورا مارمرقس و كنيستنا اللي ماشية وراه زي ما هو مشي مع ربنا ... كنيسة الإسكندرية اللاهوتية اللي بدأها مارمرقس نوّرت العالم كله و علّمته الإيمان
خلّيني يا رب أكون حامل جرة ماء (أتملي في صلاتي و دراستي للكتاب و قداسي) ... أقدّم كل ما أملكه بأمانة و تواضع
ملخص السفر
الأناجيل
مرقس
يقدم لنا القديس (مرقس - مطرقة) و للرومان السيد المسيح القوي صانع المعجزات،
و يقدّم القديس (يوحنا - حنان الله) حنان السيد المسيح ومحبته للبشر …
بطريقة توضح إن يسوع هو المسيح ابن الله (من أول آية)
آيات تانية فيها تأمل
# تأمل
لوقا 1 : 53
أشبَع الجياع خيرات و صَرَف الأغنياء فارغين.
# تأمل
خروج 33 : 16
فإنه بماذا يعلم أني وجدت نعمة في عينيك أنا وشعبك؟ أليس بمسيرك معنا؟ فنمتاز أنا وشعبك عن جميع الشعوب الذين على وجه الأرض
# تأمل
أمثال 28 : 5
طالبو الرب يفهمون كل شيء
كلّمنا
🤔
إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً