المفلوج

متى 9، لوقا 5

حكاية أصحاب كويسين ... وصّلوا صاحبهم المحتاج مساعدة لربنا و ساعدوه ... و كانت النتيجة عظيمة جداً

لوقا 5

وفي أحد الأيام كان يعلم، وكان فريسيون ومعلمون للناموس جالسين وهم قد أتوا من كل قرية من الجليل واليهودية وأورشليم. وكانت قوة الرب لشفائهم.

وإذا برجال يحملون على فراش إنسانا مفلوجا، وكانوا يطلبون أن يدخلوا به ويضعوه أمامه.

ولما لم يجدوا من أين يدخلون به لسبب الجمع، صعدوا على السطح ودلوه مع الفراش من بين الأجر إلى الوسط قدام يسوع.

فلما رأى إيمانهم قال له: «أيها الإنسان، مغفورة لك خطاياك».

فابتدأ الكتبة والفريسيون يفكرون قائلين «من هذا الذي يتكلم بتجاديف؟ من يقدر أن يغفر خطايا إلا الله وحده؟»

فشعر يسوع بأفكارهم، وأجاب وقال لهم: «ماذا تفكرون في قلوبكم؟ أيما أيسر: أن يقال: مغفورة لك خطاياك، أم أن يقال: قم وامش؟

ولكن لكي تعلموا أن لابن الإنسان سلطانا على الأرض أن يغفر الخطايا»، قال للمفلوج: «لك أقول: قم واحمل فراشك واذهب إلى بيتك!».

ففي الحال قام أمامهم، وحمل ما كان مضطجعا عليه، ومضى إلى بيته وهو يمجد الله.

فأخذت الجميع حيرة ومجدوا الله، وامتلأوا خوفا قائلين: «إننا قد رأينا اليوم عجائب!»..

سؤال

إزاي أكون صديق كويس؟

الإجابة

أهتم بأصحابي و أحبهم و مابخلش عليهم بحاجة


نشوف إيه؟
  • ربنا شفى الراجل المشلول ... اللي أصحابه جابوه و وصّلوه لربنا عشان بيحبوه
  • ربنا مش بس شفاه ... ده كمان سامحه و غفر له خطاياه
  • طبعاً الكتبة اتضايقوا إزاي يقول كده ... لأنهم مكانوش مصدقين إنه ربنا
  • ربنا يسوع أثبت إنه هو ربنا بإنه عمل حاجات عظيمة ربنا بس اللي يقدر يعملها ... منها إنه يغفر الخطايا للناس
  • المفروض مابقاش أناني و ألعب لوحدي ... ألعب مع أصحابي باللعب بتاعتي
  • طب مين هم الناس اللي المفروض أساعدهم؟
  • ربنا خلق كل الناس ... و بيحب كل الناس ... أي حد محتاج حاجة أياً كان مين، المفروض أساعده ... و أوصّل له إن ربنا بيحبه
  • حتى لو حاجة بسيطة زي إن حد محتاج مَية ... دي حاجة عظيمة عند ربنا إن أنا أساعده و أدّي له المَية
  • لمّا تلاقي حد محتاج حاجة ماتتفرّجش ... مد إيدك و ساعده
  • لو حد متضايق حاول تبسطه ... حد محتاج مساعدة ساعده ...

المشكلة

ساعات مابنحبش حد من صحابنا يلعب باللعب بتاعتنا اللي إحنا بنحبها 😟

الحل

أفتكر دايماً إن الصحاب الكويسين بيهتموا بصحابهم و مايبخلوش عليهم بحاجة
إن أنا أحب صحابي = إن أنا مابخلش عليهم 😉


صورة للتلوين

صحاب الراجل المشلول و هم بينزلوه قدام ربنا من السقف

الزمن

بعد معجزة صيد السمك الكتير

المكان

بيت ربنا كان بيعلّم فيه

الشخصيات
  • ربنا يسوع
  • الناس اللي بتسمعه
  • المفلوج
  • أصحاب المفلوج
  • الكتبة و الفريسيين
تعالى نحفظ

مشتركين في احتياجات القديسين (رومية 12 : 13)

تعالى نصلّي

يا رب ... أنا بحب أصحابي ... خليني مابقاش أناني و مابخلش عليهم بحاجة ... زي ما انت صاحب عظيم لي، ساعدني أبقى صاحب كويس لكل الناس

تعالى نفتكر

نفتكر الأصدقاء الحلوين اللي وصّلوا صاحبهم لربنا و ساعدوه لمّا كان محتاج

المصدر:

Bible App for Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

مثل الوزنات
متى 25 : 14 ل 30 - لوقا 19 : 26

أنا عندي كنوز كتييير ربنا مدّيها لي أنا بس ... و ربنا مستنّي إنّي أشتغل بيها و أكسّبه و هو يدّيني أعظم مكافأة

مثل حبة الخردل
متى 13 : 31 و 32

بقى معقول ملكوت ربنا العظيييم ده ... بتشبّه بحَبّة قد السمسمة؟!!! تعالوا نفهم إزاي

مثل الشبكة
متى 13 : 47 ل 50

مين فينا شاف في الحقيقة أو التليفزيون منظر الصياد و هو بيرمي شبكة عشان يصطاد؟ عارفين إن ربنا يسوع استخدم الشبكة عشان يوصف الكنيسة و إحنا السمك؟

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً