ذيكو
كيهكيات
- جولة سريعة على معاني بعض الكلمات و المصطلحات في بعض مدايح كيهك
الهوس الكيهكي:
أيها الجالس على الشيروبيم اظهَر أمام افرايم وبنيامين ومنسى. انهِض قوتك وهلم لخلاصنا. اللهم أرددنا ولينر وجهك علينا فنخلص.هلليلويا.
الأسباط ال12 كانوا متقسمين 3 أسباط على شكل صليب حوالين خيمة الاجتماع ... أفرايم و بنيامين و منسّى كانوا مع بعض يتقدموا حركة التابوت
الهوس الكيهكي:
أجنحة حمامة مغشاة بحلى الفضة ومنكباها بصفرة الذهب. وعندما يرسم السماوي عليها ممالك فيبيضون مثل الثلج في سِلمون. هلليلويا.
ده جبل قريب من جبل جرزيم في إسرائيل ... و المعنى إن الإنسان القريب من ربنا (زي أمنا العدرا) بيبقى مرتفع عن الأرضيات و يتبعه قديسين و يكونوا أنقياء مثل الثلج
القطعة 7 من ثيئوطوكية الأحد - شيري ني ماريا:
من أجل هذا كل واحد يعظّمك يا سيدتي والدة الإله القديسة كل حين.
طبعاً إحنا بنسبّح و نمجّد و نطوّب و نعظّم أمنا العدرا في كنيستنا و عقيدتنا بدون أي شك أو ارتياب لأنها أم الله
ده واضح من مقدمة قانون الإيمان (نعظّمك يا أم النور الحقيقي)
و الحقيقة إحنا واخدين التسبيح ده من الملاك جبرائيل اللي في البشارة قال للعدرا: الممتلئة نعمة و أنها تلد القدوس ... و من أليصابات اللي قالت لها: مباركة أنتِ في النساء
و أمنا العدرا بمنتهى التواضع كانت عارفة كده و قالت: هوذا منذ الأن جميع الأجيال تطوّبني
طبعاً إحنا فاهمين بضمير صالح إن ده لا يتعارض مع تسبيح الله كلّي العظمة و المجد و الكرامة اللي بيحب يعطي كرامة لأولاده: أكرم الذين يكرمونني
مديح أجيوس أوثيئوس:
قسمة للقربان هيبى افكى نيمان. وفيها شرح الإيمان. أمين هلليلويا.
دي القسمة الجميلة (هوذا كائن معنا على هذه المائدة اليوم) اللي تقال في أعياد السمائيين و المرد بتاعها (أمين الليلويا)
مديح الله الأزلي قبل الأدهار:
بختنصرالملك أقام صورة ذهب وقال للوزرا وكل الشعب اذا ما سمعتم آلات الطرب هوس ايروف آرى هوؤو تشاسف
ده لقب لنبوخذنصر الملك معناه (سعيد الحظ)
مديح العليقة:
صوفونيوس شرح بكلام عن تدبير اللاهوتية ينزل كالقطر بغير غمام - طوباك يا زين البشرية
صوفونيوس هنا هو سليمان الحكيم اللي كتب مزمور 72 اللي فيه نبوة عن التجسد في آية 6: ينزل مثل المطر على الجزاز، ومثل الغيوث الذارفة على الأرض
صوفونيوس من كلمة (صوفيا) يعني الحكمة
مديح العليقة:
لبس منك طبع الناسوت متّحداً باللاهوتية وحملت الواحد من الثالوث - طوباك يا زين البشرية
التعبير الصحيح هنا هو (متحداً) مش (ملتحفاً) زي ما بنقول عن العدرا (معمل الاتحاد)
نقدر نعرف أكتر في معلومة مجمع أفسس
مديح العليقة:
ابنك خلّص آدم و بنيه
طبعاً إحنا إيماننا إن الخلاص ده عمل الله بصليب ربنا يسوع المسيح فقط
و أمنا العدرا شاركت و ساعدت لأنها حملت في أحشائها رب المجد (زي ما القديس يوسف النجار نسمّيه خادم سر التجسد ... هو لم يتدخّل لكن ساعد)
لو إحنا فاهمين المعنى ده كويس نقدر نقول للعدرا إنها (خلاص أبينا آدم) ... المهم نبقى فاهمين معنى الكلمة دي
مديح أمدح في البتول:
نسأل ابنك الغفران وقوة مع ايمان وحصول شعبك على إطمئنان يوم الخلائق يحشرون
زي العليقة، المدائح المكتوبة بالعربي أصلاً ممكن يكون فيها كلام غير دقيق ... و الكنيسة بتحاول تضبط الجمل غير الصحيحة أو اللي ممكن يساء فهمها
الجملة دي كانت (نسأل منكِ الغفران) على اعتبار شفاعة العدرا و دي حاجة أكيدة
لكن التعبير الأدق طبعاً إننا نسأل ابنك الغفران (لأن هو اللي في يده الغفران) بشفاعة أمنا العدرا و الملائكة و القديسين
تمجيد الأحد الرابع من شهر كيهك: مديح أنا أفتح فاي بالتسبيح لسيدنا إيسوس:
قبة صرتِ للغفران مذبح طاهرللرب إيسوس يعجز عن وصفك كل لسان السلام لكِ يا أم بي إخرستوس
ده التعبير الأصح، لأن فيه تعبير تاني (بغير دنوس) ... طبعاً أمنا العدرا أعظم قديسة لكن عقيدتنا واضحة: هي إنسانة تحت الخطية محتاجة للخلاص
تأملات تانية من كيهك
# كيهك
مديحة برمون الميلاد
لحن رائع جداً بيتقال مرة واحدة في السنة لكن يحسّسنا بفرحة العيد و تسبيح العدرا .. مديحة فيها معاني كتابية جميلة، تعالوا نفهم
# كيهك
يا م ر ي م
مديحة مميّزة كلنا نحب نقولها في كيهك و في صوم العدرا .. فيها معاني كتابية جميلة، تعالوا نفهم
كلّمنا
🤔
إيه رأيك في التأمل ده و طريقة عرضه؟ هل ساعدك تفهم اللحن و تصلّيه بالروح و الذهن؟
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً