الكاثوليكون

يوحنا التانية

الحفاظ على الحق

الحق في حياتنا .. نحافظ عليه من خلال الثبات على الإيمان الصحيح بربنا يسوع ... و من خلال محبتنا ليه و لبعض كما أحبنا هو

  • عدد الإصحاحات: 1

  • السفر موجّه لمين؟
    • السفر ده هو الوحيد في الكتاب المقدّس الموجّه لسيّدة
    • السيّدة دي واضح إنها خادمة و أم رائعة ... مش مذكور مكانها فين
    • السيّدة المختارة دي بترمز للكنيسة في كل زمان و مكان

  • ظروف الكتابة:
    • كاتب الرسالة هو القديس يوحنا الحبيب (ابن زبدي) في أواخر القرن الأول الميلادي
    • ساعتها كانت طلعت بِدَع كتير و انشقاقات في الكنيسة و بدأ ناس ينكروا لاهوت السيد المسيح

  • هدف السفر:

    التحذير من المعلمين الكذبة اللي أنكروا السيد المسيح

آية 1 ل 4 تحية من القديس يوحنا لكيرية و أولادها ... و واضح إنهم محبوبين من الكنيسة كلها و مشهورين

الشيخ، إلى كيرية المختارة، و إلى أولادها الذين أنا أحبهم بالحق، و لست أنا فقط، بل أيضاً جميع الذين قد عرفوا الحق

يوحنا التانية 1 : 3

آية 5 و 6 وصية المحبة العاملة ... نحب الله بأن نحفظ وصاياه ... و الفكرة دي موحودة في الرسالة الأولى بتفاصيل أكتر

و هذه هي المحبة: أن نسلُك بحسب وصاياه. هذه هي الوصية: كما سمعتم من البدء أن تسلكوا فيها

يوحنا التانية 1 : 6

آية 7 ل 11 تحذير من المُضِلّين ... المعلّمين الكذبة اللي بيتظاهروا إنهم بيتكلموا كلام ربنا بينما هم بينكروا السيد المسيح ... الناس دي بتخاول تنشر أفكارها الكاذبة وسط المسيحيين
و رد معلّمنا يوحنا واضح: ارفضوا تماماً إن الناس دي تعلّم

كل من تعدَّى و لم يثبُت في تعليم المسيح فليس له الله. و من يثبُت في تعليم المسيح فهذا له الآب و الابن جميعاً. إن كان أحد يأتيكم، و لا يجيء بهذا التعليم، فلا تَقبَلوه في البيت، و لا تقولوا له سلام. لأن من يسلّم عليه يشترك في أعماله الشريرة.

يوحنا التانية 1 : 9 ل 11
طبعاً يتفهم من الكلام إن المعلّمين دول مكانوش بيعلّموا في الكنيسة ... أو إن مكانش فيه كنيسة بيتجمع فيها المسيحيين في المكان ده، بل بيصلّوا في البيوت

آية 12 و 13 تحية ختامية ... و الآية اللي جاية بعض المفسّرين قالوا إن القديس يوحنا ساعتها كمان كتب الرسالة لكنيسة مش لسيّدة بعينها

يسلّم عليك أولاد أختك المختارة

يوحنا التانية 1 : 13
الأولاد دول هم أولاد كنيسة أفسس اللي كان راعيها هو القديس يوحنا

  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة الصفحة دي؟ هل سهّل عليك إنك تتابع السفر و تفهمه و تفتكر ملخّصه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً