قرأت لك

منطقية القيامة

  • أدلة تاريخية لقيامة ربنا يسوع المسيح من الأموات ... طبعاً إحنا إيماننا مش مبني على حكمة الكلام بل ببرهان و قوة الروح ... لكن هنا بنناقش بالمنطق ليه القيامة حتى لو حاجة فوق العقل فهي التفسير المنطقي
  • William Lane Craig
  • أندرو أسامة
  • 15 دقيقة قراية
  • مستعدين للمجاوبة

سماع الملخّص - أنكل أندرو أسامة

Listen to "إثبات القيامة تاريخياً" on Spreaker.

ليه التشكيك في القيامة؟

القيامة هي أساس إيماننا المسيحي
عقيدة الصليب و القيامة (الفداء) هي أكتر عقيدة بيحاول الشيطان يهاجمها ... لأنها أساس الخلاص و مفيش خلاص من غير الإيمان بيها

و ما أسهل على الشيطان إنه يقول إن ربنا موجود و إنه خالق كل شيء ... و على ربنا يسوع إنه إنسان عظيم و تعاليمه حلوة جداً ... لكن بيحاول بكل قوته يمنعنا نقول إنه ابن الله الوحيد و إنه أكمل فدائه لنا ... اتصلب و مات و دُفن من الأموات في اليوم التالت و أقامنا معه ... لأننا ببساطة لو لم نؤمن بكده لن نخلص

كلامنا هنا بالمنطق (مش بالإيمان) عن القيامة لمجاوبة من يرفض الاقتناع و الإيمان بها ... من خلال 3 أدلة تاريخية توصّلنا للحقيقة: المسيح قام من بين الأموات

لكن قبل كده فيه ناس بتشكك في موت المسيح على الصليب أصلاً!!

فرضية #1: المسيح لم يمت أصلاً على الصليب بل نزل من عليه حياً
الرد: طبعاً ده كلام غير منطقي تماماً لأن الجنود الرومان عارفين شغلهم كويس جداً و أكيد مكانوش هيقرّوا بموته (و اليهود كمان مانوا باصّين على الصليب) غير لو مات ... و طبعاً الآلام الرهيبة اللي تعرض لها السيد المسيح (خصوصاً الجلد) خلّنع يموت على الصليب بسرعة أكتر من العادي


دليل #1 : القبر الفارغ

فرضية #2: جسد السيد المسيح لم يفارق القبر أصلاً
رد #1: قبر يسوع معروف للكل (القبر اللي اشتراه يوسف الرامي) ... ماينفعش التلاميذ يبدأوا يكرزوا بالقيامة بينما جسد السيد المسيح موجود في القبر ... كان اليهود هيفتحوا القبر و يلاقوا الجسد و ينهوا الموضوع خصوصاً إنه كان مهم جداً ليهم و إنهم حاولوا كذا مرة يةقّفوا كرازة التلاميذ (زي ما بنقرا في سفر أعمال الرسل)
رد #2: طبعاً القبر كان موجود و اتدفن فيه السيد المسيح بدليل إن لما الجسد ساب القبر مقالوش إن التلاميذ كدبوا و إن يسوع ماتدفنش أصلاً أو إن ده مش قبره، بل قالوا و أشاعوا إن التلاميذ سرقوا الجسد

وفيما هما ذاهبتان إذا قوم من الحراس جاءوا إلى المدينة وأخبروا رؤساء الكهنة بكل ما كان. فاجتمعوا مع الشيوخ، وتشاوروا، وأعطوا العسكر فضة كثيرة قائلين: «قولوا إن تلاميذه أتوا ليلا وسرقوه ونحن نيام. وإذا سمع ذلك عند الوالي فنحن نستعطفه، ونجعلكم مطمئنين». فأخذوا الفضة وفعلوا كما علموهم، فشاع هذا القول عند اليهود إلى هذا اليوم (متى 28 : 11 ل 15)

استنتاج #1: نستنتج من الرد فرضية #1 و فرضية #2 و من دليل القبر الفارغ أن: السيد المسيح أكيد اتدفن في القبر و أكيد ساب القبر قبل بداية الكرازة


دليل #2 : الظهورات

مذكور في الأناجيل و رسائل بولس الرسول ظهورات كتير للسيد المسيح مرات كتير و لأشخاص كتير.
زي ما بنشوف في أحد توما إته لمس بنفسه آثار الجروح اللي في جسد ربنا الممجد (لأن الظهور كان جسدي مش روحي) و قبلها ربنا عشان يطمّنهم لما ظنوا إنه خيال أكل معاهم

فرضية #3: دي مجرد هلاوس جماعية من التلاميذ عشان تعلّقوا بيسوع
رد #1: طبياً مستحيل مجموعة من الناس يجيلهم هلوسة جماعية و يشوفوا نفس الحاجة في نفس الوقت
رد #2: تحول شاول من مضطهد لكارز ... إزاي واحد من كبار المضطهدين يتحول لواحد من أعظم الكارزين؟ بولس نفسه حكى 3 مرات اختبار ظهور ربنا له و هو رايح دمشق

دليل #3 : إيمان التلاميذ

فرضية #4: دي مجرد كدبة كدبوها التلاميذ و نشروها عشان حبهم لمعلّمهم
الرد: التلاميذ كلهم أفنوا حياتهم من أجل الإيمان بالسيد المسيح ... و أساس الإيمان ده هو القيامة ... أكيد ماحدش هيقدّم حياته عشان كدبة هو كدبها


طبعاً نقدر نضيف على ال 3 أدلة دليل علمي هو اكتشاف القبر و تحليل الأكفان اللي أكّدت كل الآلام اللي ذُكرت في الأناجيل و أكّدت القيامة


نستنتج من الأدلة اللي فاتت إن القيامة هي التفسير المنطقي الوحيد للي حصل حتى لو حاجة فوق العقل ... و طوبى لمن آمن و لم يرى ... ربنا يدّينا ثبات على إيماننا المسيحي

  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة اختيار الكتب؟ هل قرأت بتركيز و خرجت بدرس مفيد شجّعك تقرأ الكتاب الأصلي؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً