أول قانون إيمان

قانون الإيمان اللي بنقوله في كل صلواتنا ... قانون عظيم اتبنى من آباء الكنيسة (زي الأنبا أثناسيوس) للحفاظ على الإيمان الصحيح كنتيجة لمجامع مسكونية (زي مجمع نيقية) ضد أفكار الهراطقة ... و ملخّص عظيم و شامل لإيماننا المسيحي
لكن سؤال: في فترة الكنيسة الأولى (قبل البدع و الهرطقات) ... هل كان فيه حاجة زي قانون الإيمان كده؟

قانون الإيمان في الكنيسة الأولى

قانون الإيمان النيقاوي اللي احنا بنقوله دلوقتي بدأ وضعه بعد مجمع نيقية (سنة 325م) ... لكن قبل كده في الكنيسة الأولى كان فيه قانون إيمان:

نص أول قانون إيمان

فإنني سلمت إليكم في الأول ما قبلته أنا أيضا: أن المسيح مات من أجل خطايانا حسب الكتب وأنه دُفن، وأنه قام في اليوم الثالث حسب الكتب وأنه ظهر لصفا ثم للاثني عشر وبعد ذلك ظهر دفعة واحدة لأكثر من خمسمئة أخ، أكثرهم باق إلى الآن

• سبب الكتابة: واضح إن كان فيه تشكيك في القيامة بدأ يدخل للكنيسة في كورنثوس بعد ما آمنوا على يد بولس الرسول ... عشان كده في الإصحاح ده بيفكّرهم القديس بولس بأهم عقائد إيمانية هو استلمها
• ما استلمته: الرسالة دي من الرسائل اللي اتكتبت حوالي من سنة 55 م (يعني بعد القيامة بحوالي 25 سنة) ... و غالباً بولس هنا بيقصد اللي استلمه لما قعد في البرية 3 سنين في بداية خدمته

وأعرفكم أيها الإخوة الإنجيل الذي بشرت به، أنه ليس بحسب إنسان. لأني لم أقبله من عند إنسان ولا علمته. بل بإعلان يسوع المسيح.

• مات من أجل خطايانا حسب الكتب: يعني الكنيسة فهمت إن نبوات العهد القديم أشارت لموت السيد المسيح ليفدينا

مجروح لأجل معاصينا، مسحوق لأجل آثامنا. تأديب سلامنا عليه، وبحبره شفينا

• قام: طبعاً احنا بنؤمن بالقيامة من الأموات (شاملة الجسد) ... زي ما بنشوف في أحد توما إنه لمس بنفسه آثار الجروح اللي في جسد ربنا الممجد (لأن الظهور كان جسدي مش روحي) و قبلها ربنا عشان يطمّنهم لما ظنوا إنه خيال أكل معاهم
• وبعد ذلك ظهر دفعة واحدة لأكثر من خمسمئة أخ، أكثرهم باق إلى الآن: يعني فيه ناس لسة عايشة كانت شاهدة على حدث القيامة ... يقدروا يروحوا يسألوهم لو عندهم شك
• بولس بعد كده بيفكّرهم و يؤكد تاني إن ربنا ظهر له شخصياً (و هو رايح دمشق)

وآخر الكل - كأنه للسقط - ظهر لي أنا