مثل الكنز

متى 13 : 44

مين يحب يبقى غني جدااااااااااً و عنده كنز كبير جدااااااااااااااااً؟ ربنا يسوع حكى لنا حكاية جميلة تفهمنا نعمل كده إزاي

المَثَل

  • واحد لقى كنز مستخبي في جنينة كبييييرة

  • الكنز ده عبارة عن جواهر و حاجات غالية جدااااااً

  • الراجل فكّر و قال: أنا عايز الكنز ده لأنه لو معايا مش هابقى محتاج أي حاجة تانية طول حياتي

  • طب أعمل إيه؟ أنا لازم أشتري الجنينة كلها لأنها أكيد مليانة كنوز مستخبية

  • بس مش معايا فلوس تكفي! مش مشكلة: أنا هابيع كل حاجة عندي عشان أقدر أشتري الجنينة دي ... و ساعتها هابقى أنا اللي كسبت الكنز الغالي اللي في الجنينة

  • و عمل كده فعلاً و اشترى الجنينة

  • و بقى كل اللي يشغله في حياته إنه كل يوم يحفر في الجنينة و يدوّر على الكنز اللي فيها

  • و كل ما يحفر و يدوّر بيلاقي كنوز أكتر و أكتر ... و بقى راجل غني جداً جداً

يا رب تقصد إيه؟

  • الجنينة الكبيرة دي هي الإنجيل اللي فيه كلام كتييير جداً

  • الإنجيل مستخبي فيه ربنا يسوع ... و إحنا محتاجين نعمل شوية مجهود عشان نكتشف الكنز الغالي ده

  • لما آخد الإنجيل و أحفظه و أقراه و أعمل بيه ... باقدر أشوف الكنز اللي مستخبي فيه (ربنا يسوع) أكتر و أكتر ... و بابقي غني جداً بيه

  • و طبعاً ده كنز مالوش آخِر، كل ما أقرا أكتر بافهم أكتر و الكنز بيكون أوضح و أكبر

  • و ده يخليني أبيع أي حاجة و أركّز في الإنجيل لأني شفت فيه الكنز الحقيقي:
    • يعني أحب أقرا الإنجيل و القصص الجميلة اللي فيه أكتر ما أتفرّج على التليفيزيون
    • أبطّل ألعب شوية عشان أستمتع بالإنجيل ... هو أحلى لي و بيبسطني و يفرّحني
    • أسيب أي حاجة وحشة تعطّلني عن الإنجيل
الشخصيات
  • الراجل الشاطر اللي دوّر على الكنز
تعالى نحفظ

أيضا يشبه ملكوت السماوات كنزا مخفى في حقل، وجده إنسان فأخفاه. ومن فرحه مضى وباع كل ما كان له واشترى ذلك الحقل.

تعالى نفتكر

عندي كنز في قلبي (ربنا يسوع) و أبقى غني جداً بيه عن طريق الإنجيل

المصدر:

قناة قيثارة تونز

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

التجلي
متى 17 : 1 ل 9 - مرقس 9 : 2 ل 8 - لوقا 9 : 28 ل 36

أكتر موقف فيه مجد لربنا يسوع على الأرض .. لمّا تجلى و جاله موسى و إيليا

مثل الوزنات
متى 25 : 14 ل 30 - لوقا 19 : 26

أنا عندي كنوز كتييير ربنا مدّيها لي أنا بس ... و ربنا مستنّي إنّي أشتغل بيها و أكسّبه و هو يدّيني أعظم مكافأة

مثل حبة الخردل
متى 13 : 31 و 32

بقى معقول ملكوت ربنا العظيييم ده ... بتشبّه بحَبّة قد السمسمة؟!!! تعالوا نفهم إزاي

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً