تجربة السيد المسيح

متى 4

جه الشيطان عشان يوقّع بابا يسوع في الخطية ... طبعاً الخطية دي حاجة وحشة جداً جداً ... تعالوا نشوف بابا يسوع عمل إيه

متى 4

ثم أصعد يسوع إلى البرية من الروح ليجرب من إبليس.

فبعد ما صام أربعين نهارا وأربعين ليلة، جاع أخيرا.

فتقدم إليه المجرب وقال له: «إن كنت ابن الله فقل أن تصير هذه الحجارة خبزا».

فأجاب وقال: «مكتوب: ليس بالخبز وحده يحيا الإنسان، بل بكل كلمة تخرج من فم الله».

ثم أخذه إبليس إلى المدينة المقدسة، وأوقفه على جناح الهيكل، وقال له: «إن كنت ابن الله فاطرح نفسك إلى أسفل، لأنه مكتوب: أنه يوصي ملائكته بك، فعلى أياديهم يحملونك لكي لا تصدم بحجر رجلك».

قال له يسوع: «مكتوب أيضا: لا تجرب الرب إلهك».

ثم أخذه أيضا إبليس إلى جبل عال جدا، وأراه جميع ممالك العالم ومجدها، وقال له: «أعطيك هذه جميعها إن خررت وسجدت لي».

حينئذ قال له يسوع: «اذهب يا شيطان! لأنه مكتوب: للرب إلهك تسجد وإياه وحده تعبد».

ثم تركه إبليس، وإذا ملائكة قد جاءت فصارت تخدمه.

سؤال

أقول إيه للخطية (الحاجة الغلط)؟

الإجابة

لأ!!! عشان بابا يسوع عايش في قلبي
يعني ولا أشتم ولا أتخانق ولا أكدب ولا أكره ولا أضايق بابا و ماما


نشوف إيه؟
  • الشيطان كان عايز بابا يسوع يعمل حاجة غلط (خطية)
  • بس بابا يسوع هو ربنا ... دايماً قال لأ للشيطان و للحاجات الغلط
  • بابا يسوع عمره ما عمل حاجة غلط أبداً
  • و فِضِل بابا يسوع على طول نقي و نضيف من الخطية
  • و قدر يغلب الشيطان بكلمة ربنا (الكتاب المقدس)
  • ربنا يسوع قدر يغلب الشيطان عن طريق كلمة ربنا في الكتاب المقدس ... إحنا كمان نقدر نعمل كده
  • الصابون ده بنغسل بيه جسمنا عشان ينضّفنا من برة
  • و بابا يسوع زي الصابون ده بالنسبة لينا بس من جوة ... بينضّف قلوبنا من الخطايا و الحاجات الغلط ... و يساعدنا نقول للحاجة الغلط لأ!!!!
  • و بابا يسوع هيعمل كده لو طلبنا منه ... و خلّيناه ربنا و القائد بتاعنا و صاحبنا
  • الخطية و الحاجة الغلط زي الطين ... بتخلّي قلوبنا مش نضيفة
  • أنا مش عايز قلبي يبقى كده ... عايزه يبقى دايماً نضيف و حلو و ربنا يملاه
  • يبقى أنا المفروض بأعلى صوتي أقول للخطية: لأ!!!!!!!

المشكلة

ساعات مش بنهتم الحاجة اللي نعملها تبقى صح ولّا غلط ... المهم تبقى عجباني و بحبّها
يعني مثلاً يبقى بابا و ماما يقولوا لي كفاية لعب أو ماتلعبش اللعبة دي ... و أنا أبقى مش عايز أسمع الكلام 😟

الحل

أتعلّم من بابا يسوع ... اللي قال للحاجة الغلط دايماً لأ ... رغم إن ده مش دايماً بيكون سهل
و أقول له يا رب ساعدني أكون زيّك و أقدر أقول للحاجة الغلط: لأ!! 😉


صورة للتلوين

بابا يسوع و الملايكة بتخدمه بعد ما غلب الشيطان و قال له: لأ!!!

الزمن

بعد معمودية ربنا يسوع

المكان

الصحراء

الشخصيات
  • ربنا يسوع
  • الشيطان
تعالى نحفظ

قلبا نقيا اخلق في يا الله (مزامير 51 : 10)

تعالى نصلّي

يا بابا يسوع ... أشكرك إنك خلقت قلبي نضيف زي قلبك ... ساعدني أكون زيّك ... و أقول للحاجة الغلط: لأ!!

تعالى نفتكر

نعمل زي ما بابا يسوع عمل ... نتملي من الكتاب المقدس .. فنعرف نقول للخطية: لأ!!!!

المصدر:

Bible App for Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

التجلي
متى 17 : 1 ل 9 - مرقس 9 : 2 ل 8 - لوقا 9 : 28 ل 36

أكتر موقف فيه مجد لربنا يسوع على الأرض .. لمّا تجلى و جاله موسى و إيليا

مثل الوزنات
متى 25 : 14 ل 30 - لوقا 19 : 26

أنا عندي كنوز كتييير ربنا مدّيها لي أنا بس ... و ربنا مستنّي إنّي أشتغل بيها و أكسّبه و هو يدّيني أعظم مكافأة

مثل حبة الخردل
متى 13 : 31 و 32

بقى معقول ملكوت ربنا العظيييم ده ... بتشبّه بحَبّة قد السمسمة؟!!! تعالوا نفهم إزاي

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً