الموعظة على الجبل

متى 4 ل 7

ربنا يسوع هو الملك ... و إحنا معاه في مملكته ... يعني بانيين حياتنا على الصخر ... إيه علاقة الصخر بالموضوع؟؟ تعالوا نشوف

متى 4 ل 7

وكان يسوع يطوف كل الجليل يعلم في مجامعهم، ويكرز ببشارة الملكوت، ويشفي كل مرض وكل ضعف في الشعب. فذاع خبره في جميع سورية. فأحضروا إليه جميع السقماء المصابين بأمراض وأوجاع مختلفة، والمجانين والمصروعين والمفلوجين، فشفاهم. فتبعته جموع كثيرة من الجليل والعشر المدن وأورشليم واليهودية ومن عبر الأردن. ولما رأى الجموع صعد إلى الجبل، فلما جلس تقدم إليه تلاميذه. ففتح فاه وعلمهم قائلا: ...

فصلوا أنتم هكذا: أبانا الذي في السماوات، ليتقدس اسمك. ليأت ملكوتك. لتكن مشيئتك كما في السماء كذلك على الأرض. خبزنا كفافنا أعطنا اليوم. واغفر لنا ذنوبنا كما نغفر نحن أيضا للمذنبين إلينا. ولا تدخلنا في تجربة، لكن نجنا من الشرير. لأن لك الملك، والقوة، والمجد، إلى الأبد. آمين.

لا تهتموا قائلين: ماذا نأكل؟ أو ماذا نشرب؟ أو ماذا نلبس؟ ... لكن اطلبوا أولا ملكوت الله وبره، وهذه كلها تزاد لكم. فلا تهتموا للغد، لأن الغد يهتم بما لنفسه. يكفي اليوم شره.

كل شجرة جيدة تصنع أثمارا جيدة، وأما الشجرة الردية فتصنع أثمارا ردية، لا تقدر شجرة جيدة أن تصنع أثمارا ردية، ولا شجرة ردية أن تصنع أثمارا جيدة.

فكل من يسمع أقوالي هذه ويعمل بها، أشبهه برجل عاقل، بنى بيته على الصخر.

فنزل المطر، وجاءت الأنهار، وهبت الرياح، ووقعت على ذلك البيت فلم يسقط، لأنه كان مؤسسا على الصخر.

وكل من يسمع أقوالي هذه ولا يعمل بها، يشبه برجل جاهل، بنى بيته على الرمل.

فنزل المطر، وجاءت الأنهار، وهبت الرياح، وصدمت ذلك البيت فسقط، وكان سقوطه عظيما!».

سؤال

إزاي أتعلم أعيش زي ما ربنا عايزني؟

الإجابة

بابا يسوع هو اللي هيعلّمنا
إحنا ولاده و هو عايزنا نعيش زيه


نشوف إيه؟
  • طبعاً الملك في القصة دي هو ربنا يسوع ... هو ملك الملوك
  • و الناس اللي في مملكته هم اللي بالنسبة لهم ربنا رقم 1 ... اللي بيثقوا فيه و يسمعوا كلامه
  • دول اللي بيبنوا حياتهم على الصخر ... غير كده هبقى بابني حياتي على رملة مش ثابتة ...
  • و شفنا إن لمّا العاصفة بتيجي ... اللي بيته مش مبني على الصخر بيقع
  • أنا باعلن إن ربنا هو الملك بتاعي لمّا أعيش زي ما هو عايزني أعيش
  • ربنا عايز يخلّي قلبنا زي قلبه ... ده بيحصل لو خلينا كلمته تبقى هي أساس حياتنا و قراراتنا
  • المدرس بيساعدنا نتعلم حاجات جديدة
  • و إحنا تلاميذ لأحسن مدرس في التاريخ ... لبابا يسوع ... نتعلم منه دايماً إزاي نعيش صح
  • نتعلم منه نحب الناس، نصلي على طول، يبقى عندنا كرم، نقول لأ للحاجة الغلط، نبقى طيبين، و مطيعين لربنا
  • و المدرس العظيم ده عشان يدرّسني ... إداني أعظم كتاب
  • كتاب مليان بكلام ربنا الحقيقي ... لما يكون عندنا أسئلة، لازم يبقى أول مكان ندوّر فيه
  • الكتاب المقدس هو كتاب ربنا ليّ ... أنا دايماً أثق إنه صح و حقيقي ... هو اللي فيه ربنا بيعلمني إزاي أعيش
  • الصخور قوية جداً ... حتى الجبال العالية بتتكوّن منها
  • و إحنا لمّا نتعلم نعيش زي ربنا يسوع، كأننا بنبني بيوتنا على الصخر ... يعني ثابتين
  • الحاجات اللي ربنا بيعلّمها لنا ثابتة و قوية زي الصخر على طول ... هو صخرة حياتنا

صورة للتلوين

ربنا و هو بيحكي حكاية البيت اللي مبني على الصخر للناس

الزمن

بعد دعوة التلاميذ

المكان

الجبل

الشخصيات
  • ربنا يسوع
  • الناس اللي بتسمعه
  • الناس اللي بتعمل اللي بيقول عليه
  • الناس اللي مش بتعمل اللي بيقول عليه
تعالى نحفظ

أنتم تدعونني معلما وسيدا، وحسنا تقولون، لأني أنا كذلك (يوحنا 13 : 13)

تعالى نصلّي

يا رب ساعدني أتعلم منك و أعيش زيك ... عشان تبقى حياتي قوية زي الصخر ... مهما كنت خايف أو قلقان، أفضل واثق في كلمتك، هي تثبتني

تعالى نفتكر

نفتكر إننا لو عشنا زي ما ربنا عايزنا هنكون زي البيت الثابت اللي مبني على الصخر و مش هيقع

المصدر:

Bible App for Kids

  • تقدر تعمل account على الموقع من هنا و تحتفظ بالكارتون على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالكارتون ده مع بعض
  • تقدر تعمل download للصفحة دي على الجهاز بتاعك

التجلي
متى 17 : 1 ل 9 - مرقس 9 : 2 ل 8 - لوقا 9 : 28 ل 36

أكتر موقف فيه مجد لربنا يسوع على الأرض .. لمّا تجلى و جاله موسى و إيليا

مثل الوزنات
متى 25 : 14 ل 30 - لوقا 19 : 26

أنا عندي كنوز كتييير ربنا مدّيها لي أنا بس ... و ربنا مستنّي إنّي أشتغل بيها و أكسّبه و هو يدّيني أعظم مكافأة

مثل حبة الخردل
متى 13 : 31 و 32

بقى معقول ملكوت ربنا العظيييم ده ... بتشبّه بحَبّة قد السمسمة؟!!! تعالوا نفهم إزاي

كلّمنا

🤔 إيه رأيك في الكارتون ده و طريقة الصفحة دي؟ هل سهّل عليك إنك تتابع و تفتكر الجزء ده و تتعلّم منه؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً