قصة قصيرة

المراية

  • يا ترى إيه اللي ممكن يخليني مبسوط؟
    هل لو ركّزت بس في إني أنجح و أكون غني و عندي حاجات كتيير ... هل ساعتها هاكون مبسوط؟
  • أبونا تادرس يعقوب ملطي
  • 5 دقايق قراية
  • قصص قصيرة (مع مجموعة من القصص الطويلة)

  • فيه واحد كان غني و ناجح و عنده فلوس كتير و حاجات كتير ... لكن في يوم قعد يفكّر مع نفسه:

    أنا مش حاسس إني مبسوط ... رغم كل الغنى اللي عندي ده، حاسس إن فيه حاجة مهمة نقصاني ... حاجة جوايا ماقدرش أشتريها و مش عارف أحصل عليها ... و مش عارف حتى إيه هي؟

  • صاحبنا ده ماستسلمش لزعله ... قابل راجل حكيم عشان يسأله و يفهم منه ... و اتكلموا مع بعض
  • الحكيم

    تعالى نبُص من الشباك ... قل لي شايف إبه؟

  • الغني

    شايف السما زرقا و جميلة ... و شايف الشارع فيه ناس كتيير

  • الحكيم

    طيب بص في المراية الحلوة اللي عندك دي ... قل لي شايف إبه؟

  • الغني

    شايف صورتي بس

  • الحكيم

    هي دي المشكلة ... لو بصيت في القزاز بتاع الشباك ... قزاز شفاف رخيص ... هاتشوف السما ... الحاجات الحلوة اللي ربنا خلقها ... و إخواتك
    لو بصيت في المراية الفضة بتاعتك، مش هاتشوف غير نفسَك بس ... و بالتالي هايكون كل تفكيرك في نفسك بس، مش في ربنا ولا في إخواتك ... و هاتحسّ إنك دايماً مسجون و مش قادر تشوف حاجة تانية
    لو عايز تنبسط بجد ... ماتهتمّش بنفسك بس ... بُص و فكّر في ربنا و في إخواتك

  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة اختيار الكتب؟ هل قرأت بتركيز و خرجت بدرس مفيد شجّعك تقرأ الكتاب الأصلي؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً