قصة قصيرة

بطَّل يكلّمني

  • كان فيه فلاح عجوز بيحرث الأرض ... و كان عنده ثور و بغل بيستخدمهم إنهم يسحبوا المحراث ... و مع طول الأيام، بقى الثور و البغل أصحاب مع الفلاح و مع بعض، و كانوا بيشتغلوا بكل اجتهاد

  • و في يوم فكّر الثور في فكرة: إحنا بنشتغل بقى لنا كتيييير و عايزين نرتاح بقى ... ما نمثّل إننا عيّانين عشان الفلاح يريّحنا
    قال فكرته للبغل اللي رفض و قال: إزاي نرتاح إحنا و نِتعِب الفلاح اللي محتاجنا جداً في وقت الحرث ده ... و هو دايماً بيهتم بينا و بيدّينا كل احتياجاتنا؟!
    الثور أصّرّ يعمل فكرته و قال على البفل إنه غبي ... و فعلاً مثّل إنه عيّان

  • و في أول يوم، الفلاح قدّم للثور أكل كتييير و سابه يرتاح اليوم كله ... بينما البغل اشتغل شُغل مضاعَف لأنه بقى بيسحب المحراث لوحده
    لمّا رجع البغل في آخر اليوم، سأله الثور: هو الفلاح قال حاجة عني؟ البغل قال له: لأ
    الثور حسّ إن خطّته هاتنجح (إنه ياكل و يعيش مرتاح من غير شُغل) فقرّر يكمّل تمثيل

  • تاني يوم حصل نفس الكلام بالظبط ... و رجع البغل آخر اليوم مُرهَق جداً ... و الثور اتتريق عليه و بعدين سأله نفس السؤال: هو الفلاح قال حاجة عني؟

  • البغل قال له: لأ، هو فضل يتكلّم مع الجزار

  • الثور انهار و فِهِم إن الفلاح هايبيعه للجزار اللي هايدبحه، لأنه مابقاش يصلح للعمل

    كل غصن في لا يأتي بثمر ينزعه ، وكل ما يأتي بثمر ينقيه ليأتي بثمر أكثر

    يوحنا 15 : 2

    لأن كل من له يُعطى فيزداد، و من ليس له فالذي عنده يؤخذ منه

    متى 25 : 29

    فقال للكرام: هوذا ثلاث سنين آتي أطلب ثمرا في هذه التينة ولم أجد. اقطعها! لماذا تبطل الأرض أيضا؟
    فأجاب وقال له: يا سيد، اتركها هذه السنة أيضا، حتى أنقب حولها وأضع زبلا. فإن صنعت ثمرا، وإلا ففيما بعد تقطعها

    لوقا 13 : 7 ل 9

  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة اختيار الكتب؟ هل قرأت بتركيز و خرجت بدرس مفيد شجّعك تقرأ الكتاب الأصلي؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً